Share Market : ओमायक्रॉनमुळे मंदीचे सावट? शेअर बाजारमध्ये 'ब्लॅक मंडे'; सेन्सेक्स 1000 अंकांनी कोसळला
Sensex Crash: : शेअर बाजारातील गुंतवणुकदारांना आज मोठा फटका बसला. सेन्सेक्स 1000 हून अधिक अंकांनी कोसळला. तर, निफ्टीतही घसरण झाली.
Sensex Crash: : शेअर बाजारातील गुंतवणुकदारांसाठी आज दिवस काळा सोमवार ठरला. शेअर बाजार सुरू होताच सेन्सेक्स आणि निफ्टीमध्ये मोठी घसरण झाली. बाजार सुरू होताच सेन्सेक्समध्ये 940 हून अधिक अंकांची घसरण झाली. तर निफ्टीदेखील एक टक्क्यांनी घसरला. कोरोनाबाधितांची वाढत असलेली संख्या, ओमायक्रॉनचे सावट आणि देशांनी लावलेले निर्बंध याचा बाजारावर परिणाम दिसून आला. आंतरराष्ट्रीय शेअर बाजारातही मंदीचे सावट दिसून आले.
शेअर बाजारच्या प्री-ओपन सेशनमध्ये बीएसई सेन्सेक्स 500 अंकाहून अधिक अंकाने घसरून 56,500 अंकांवर स्थिर राहिला. बाजार सुरू होताच, सेन्सेक्समध्ये 675 अंकापेक्षा अधिक घसरण झाली. तर, निफ्टीमध्येही 218.10 अंकांनी घसरून 16765 अंकावर आला. काही वेळेनंतर निफ्टीमध्ये आणखी घसरण झाली.
बाजार सुरू होताच सुरू झालेली घसरण काही वेळेनंतर सावरेल असा अंदाज होता. मात्र, सकाळी 10 वाजण्याच्या सुमारास सेन्सेक्स 1035.86 अंक म्हणजे 1.82 टक्क्यांनी घसरला. एनएसई निफ्टी 32 अंकांनी 1.90 टक्क्यांनी घसरला आणि 16,662.20 अंकांवर व्यवहार करत होता.
सकाळी 11 वाजण्याच्या सुमारास सेन्सेक्समध्ये 1285.74 अंकानी घसरून 55,737 अंकावर आला होता. तर, निफ्टीमध्ये 382.65 टक्क्यांची घसरण झाली आणि 16,604 अंकावर व्यवहार करत होता.
शेअर बाजारात मागील आठवड्यात मोठी घसरण दिसून आली. सेन्सेक्समध्ये 1774.936 अंक म्हणजे 3 टक्क्यांनी घसरण झाली. तर, निफ्टी 50 मध्येही 526.1 अंकांनी घसरण झाली होती. मागील दोन आठवड्यांच्या तेजीनंतर मागील आठवड्यात घसरण झाली. कोरोनाचा नवीन व्हेरियंट ओमायक्रॉनबाधितांची वाढती प्रकरणे, एफपीआयकडून होणारी सातत्याने विक्री आणि उच्च पातळीवर सुरू असणारी नफा वसुली आदी कारणांमुळे शेअर बाजारात घसरण झाल्याचे दिसत आहे.
इतर महत्त्वाच्या बातम्या:
- महिला नवउद्योजकांसाठी केंद्राची खास कर्ज योजना; नऊ स्कीमद्वारे सुरु करा स्वत:चा व्यवसाय
- दोन महिन्यांपासून शेअर बाजारात घसरणीचा ट्रेंड; किरकोळ गुंतवणूकदारांच्या कमाईला लागले ग्रहण!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
Before You Go
Shiv Sena SC Hearing Special Report : निवडणूक आयोगावर गंभीर आरोप..शिवसेनेच्या सुनावणीत काय घडलं?
महत्त्वाच्या बातम्या
