एक्स्प्लोर

LIVE UPDATES | परंपरेनुसार माऊलींच्या पादुका गाभाऱ्यात विराजमान झाल्या

रिलायन्स इंडस्ट्रीजच्या भागधारकांची आज वार्षिक बैठक म्हणजेच, एजीएम सुरु आहे. मुकेश अंबानी यांनी या बैठकीत मोठ्या घोषणा केल्या आहेत. पूर्णपणे स्वदेशी बनावटीचं 5G तंत्रज्ञान लवकरच ट्रायल सुरु करणार असल्याचं मुकेश अंबानी यांनी या बैठकीत बोलताना सांगितलं.

Written By : एबीपी माझा वेब टीम | Updated at : 15 Jul 2020 08:27 PM (IST)

Reliance AGM reliance industries 43rd agm today first time meeting will be held on virtual platform LIVE UPDATES | परंपरेनुसार माऊलींच्या पादुका गाभाऱ्यात विराजमान झाल्या

Background

Reliance AGM | रिलायन्स इंडस्ट्रीजच्या भागधारकांची आज वार्षिक बैठक म्हणजेच, एजीएम सुरु आहे. मुकेश अंबानी यांनी या बैठकीत मोठ्या घोषणा केल्या आहेत. पूर्णपणे स्वदेशी बनावटीचं 5G तंत्रज्ञान लवकरच ट्रायल सुरु करणार असल्याचं मुकेश अंबानी यांनी या बैठकीत बोलताना सांगितलं.

ही कंपनीची 43वी एजीएम असणार आहे. वेगवेगळ्या वर्चुअल प्लेटफॉर्ममार्फत रिलायन्सचे एक लाखांहून अधिक शेअर होल्डर या बैठकीमध्ये सहभागी होणार आहेत. या एजीएमसाठी कंपनीने तयारी केली आहे. इतिहासात पहिल्यांदाच रिलायन्स एजीएम ऑनलाईन होणार आहे. कोरोनाच्या वाढत्या प्रादुर्भावामुळे यंदा एजीएम ऑनलाइन करण्याचा निर्णय घेण्याता आला आहे.

गूगल जियोमध्ये 33 हजार 737 कोटी रुपयांची गुंतवणूक करणार

मुकेश अंबानी यांनी रिलायन्स एजीएममध्ये बोलताना सांगितले की, 'संकटाच्या वेळी अनेक मोठ्या संधी येतात. RIL चं मार्केट कॅप 150 बिलियन डॉलर्सच्या पुढे गेलं आहे. याचसोबत मुकेश अंबानी यांनी गूगलसोबत करार करण्याची घोषणा केली आहे. त्यांनी सांगितलं की, गूगल जियोमध्ये 7.7 टक्क्यांची भागीदारी करणार आहे. तसेच त्यांनी सांगितलं की, गूगल जियोमध्ये 33 हजार 737 कोटी रुपयांची गुंतवणूक करणार आहे.

जगभरातील रिलायन्स इंडस्ट्रीचे शेअर होल्डर्सचा सहभाग

रिलायन्सची एजीएम नेहमी देशाची आर्थिक राजधानी असणाऱ्या मुंबईत होत असते. परंतु, यावेळी कोरोना संकटामुळे शेअर होल्डर्सचं या मिटिंगमध्ये येणं अत्यंत अवघड आहे. त्यामुळे रिलायन्सने आपल्या 26 लाख शेअर होल्डर्ससाठी रिलायन्स इंडस्ट्रीजने वर्चुअल प्लॅटफॉर्मचा पर्याय निवडला आहे. त्यामुळे वर्चुअल प्लॅटफॉर्ममार्फत संपूर्ण जगभरात पसरलेले शेअर होल्डर्स एजीएममध्ये सहभागी होणार आहेत.

कंपनीने जारी केला व्हॉट्सअॅप चॅटबॉट

एजीएमशी निगडीत कोणतीही माहिती आणि शेयरहोल्डर्स, गुंतवणूकदार, मीडिया आणि इतर लोकांच्या मदतीसाठी रिलायन्सने व्हॉट्सअॅप चॅटबॉटही जारी केला आहे. यासाठी तुम्हाला फक्त +91 79771 11111 हा नंबर तुमच्या फोनमध्ये सेव्ह करून 'Hi' मेसेज करावा लागेल. त्यानंतर बॉटमार्फत तुमच्या सर्व समस्यांचं समाधान करण्यात येणार आहे. एजीएमशी निगडीत जोडलेल्या या व्हॉट्सअॅप चॅटबॉटला जियो हॅप्टिकने तयार केलं आहे. हा चॅटबॉट 24*7 काम करणार आहे.

18:22 PM (IST) • 15 Jul 2020

#BreakingNews बारावीचा निकाल उद्या (16 जुलै) जाहीर होणार, उद्या दुपारी 1 वाजता ऑनलाईन जाहीर होणार निकाल

20:26 PM (IST) • 15 Jul 2020

श्री संतश्रेष्ठ ज्ञानेश्वर महाराजांच्या पादुका गाभाऱ्यात विराजमान झाल्या. परंपरेनुसार दशमी दिवशीची ही प्रथा टाळ-मृदुगाच्या गजरात पार पडली. 13 जूनला माऊलींच्या पादुकांचं प्रस्थान झालं होतं, मात्र लॉकडाऊनमुळं त्या आळंदीतच मुक्कामी होत्या. त्यांनतर दशमीला इतिहासात पहिल्यांदाच माऊलींच्या पादुका विठ्ठलाच्या भेटीसाठी एसटीतून पंढरीला गेल्या. आषाढी एकादशीच्या दुसऱ्या दिवशी अर्थात द्वादशीला भेट ही झाली आणि परंपरा पार पडली. मात्र यंदा त्याच दिवशी पादुकांच्या परतीचा प्रवास झाला. तेंव्हा पासून माऊलींच्या पादुका आळंदी मंदिरातील कारंजा मंडपात मुक्कामी होत्या. मग आज दशमी दिवशी परंपरेनुसार पादुका गाभाऱ्यात दाखल विराजमान झाल्या.