रतन टाटांची 'ही' कंपनी गाशा गुंडाळणार! NCLT कडून विलीनीकरणास मान्यता
टाटा समुहाची एक कंपनी आपला गाशा गंडाळण्याच्या तयारीत आहे. टाटांच्या कंपनीचं दुसऱ्या कंपनीत विलीनीकरण होणार आहे. NCLT कडून विलीनीकरणास हिरवा कंदिल देण्यात आला आहे.
Tata Group Company: अलीकडेच टाटा समुहाची (TATA Group) कंपनी टाटा टेक्नॉलॉजीजचा (Tata Technologies IPO) आयपीओ शेअर बाजारात (Share Market) लिस्ट झाला. ज्या गुंतवणूकदारांना टाटाचे हे शेअर्स वाटप करण्यात आले त्यांना आठवडाभरातच मोठा नफा मिळाला. 500 रुपयांना वाटप करण्यात आलेले शेअर्स 1200 रुपयांवर लिस्ट करण्यात आले. आता टाटा ग्रुपच्या आणखी एका कंपनीशी संबंधित मोठी माहिती समोर येत आहे. ही माहिती टाटा कॉफी लिमिटेड (TCL)शी संबंधित आहे.
टाटा समुहाची टाटा कॉफी लिमिटेड ही कंपनी दुसऱ्या कंपनीत विलीन होणार आहे. टाटा कॉफी लिमिटेडनं (Tata Coffee Ltd) याबाबत माहिती देताना म्हटलं की, राष्ट्रीय कंपनी कायदा न्यायाधिकरण (NCLT)च्या कोलकाता खंडपीठानं टाटा ग्राहक उत्पादनं आणि TCPL ब्रुअरीज आणि फूड यांच्या विलीनीकरणास मान्यता दिली आहे. स्टॉक एक्सचेंज फायलिंगमध्ये कंपनीनं म्हटलं आहे की, कोलकाता खंडपीठानं 10 नोव्हेंबर 20234 रोजी हा आदेश दिला आहे. दरम्यान, कंपनीला 1 डिसेंबर 2023 रोजी ऑर्डरची प्रत मिळाल्याची माहिती मिळत आहे.
कंपनीचं विलीनीकरण का केलं जातंय?
कंपनीनं आपल्या एक्सचेंज फायलिंगमध्ये म्हटलं आहे की, अनेक कारणांमुळे कंपनीचं विलीनीकरण केलं जात आहे. विशेषत: व्यवस्थापन आणि ऑपरेशन्स सुलभ आणि मजबूत करण्यासाठी हे पाऊल उचललं जात आहे. सध्या TCPL ब्रुअरीज आणि फूड ही कंपनी जगभरात खाद्य आणि पेय पदार्थांचं उत्पादन आणि विक्री करते. टाटा कॉफी (TCL) आणि TCPL ब्रुअरीज आणि फूडच्या उपकंपन्या (Subsidiary Company) इन्स्टंट कॉफी, ब्रँडेड कॉफी आणि वृक्षारोपण व्यवसायात काम करतात.
क्षमता विस्तारालाही मंजुरी
दुसरीकडे, टाटा कॉफीला व्हिएतनाममधील तिच्या पूर्ण मालकी असलेल्या उपकंपनीच्या क्षमता विस्तारासाठी बोर्डाची मंजुरी मिळाली आहे. आता कंपनी क्षमता विस्तारासाठी 450 कोटी रुपयांची गुंतवणूक करणार आहे. संचालक मंडळानं व्हिएतनाममध्ये अतिरिक्त 5,500 टन 'फ्रीझ-ड्राय कॉफी' सुविधा स्थापन करण्यास मान्यता दिली आहे. या व्हिएतनामी कंपनीची सध्याची क्षमता सुमारे 5000 टन आहे.
टाटा कॉफीचे शेअर्स वधारले
टाटा कॉफीचे शेअर्स शुक्रवारी 0.59 2 टक्क्यांच्या वाढीसह बंद झाले. सध्या या टाटा कंपनीच्या शेअरची किंमत 279.55 रुपये आहे. गेल्या सहा महिन्यांत हा साठा सुमारे 22 टक्क्यांनी वाढला आहे. 52 आठवड्यांची उच्च पातळी 283.80 रुपये प्रति शेअर आहे. कंपनीचे मार्केट कॅप 52.26 अब्ज रुपये आहे.
टाटा टेकची छप्पडतोड कमाई
महत्त्वाची बाब म्हणजे, काही दिवसांपूर्वीच टाटा समूहाची आणखी एक कंपनी शेअर बाजारात दाखल झाली होती. टाटा टेकच्या समभागांनी पहिल्याच दिवशी गुंतवणूकदारांना 165 टक्के प्रीमियम दिला होता. मात्र, दुसऱ्या दिवशी टाटा टेक्नॉलॉजीजच्या शेअर्समध्ये घसरण झाली. शुक्रवारी, तो 7.39 टक्के घसरला आणि प्रति शेअर 1,216 रुपयांवर बंद झाला.
महत्त्वाच्या बातम्या
ट्रेंडिंग न्यूज
