Petrol Price Today: कच्चं तेल 80 डॉलर प्रति बॅरल पार; पेट्रोल-डिझेलचे आजचे दर काय?
Petrol and Diesel Price: भारतीय तेल कंपन्यांकडून देशात पेट्रोल-डिझेलचे दर जाहीर करण्यात आले आहेत. आजही देशातील पेट्रोल-डिझेलचे दर स्थिर आहेत.
Petrol and Diesel Price Today : आंतरराष्ट्रीय बाजारात कच्च्या तेलाच्या किमतीत चढ-उतार होत आहेत. ब्रेंट क्रूड तेल प्रति बॅरल 80 डॉलरच्या पुढे आहे, जे जानेवारीमध्ये प्रति बॅरल 85 डॉलरवर पोहोचले आहे. मात्र, गेल्या अनेक दिवसांपासून भारतात पेट्रोल आणि डिझेलच्या दरांत (Petrol-Diesel Prices) कोणताही बदल झालेला नाही. 22 मे 2022 रोजी केंद्र सरकारनं देशभरातील पेट्रोल आणि डिझेलवरील उत्पादन शुल्क (Excise Duty) कमी केलं होतं. त्यानंतर राष्ट्रीय राजधानी दिल्लीत पेट्रोलचा दर 96.72 रुपये प्रति लिटर आणि डिझेलचा दर 89.62 रुपये प्रति लिटरवर स्थिर आहे.
आंतरराष्ट्रीय बाजारात आज म्हणजेच, 23 फेब्रुवारी 2023 रोजी ब्रेंट क्रूड तेलाची किंमत प्रति बॅरल 80.61 डॉलर आहे. दुसरीकडे, डब्ल्यूटीआय कच्च्या तेलाच्या किमतीबद्दल बोलायचे तर ते प्रति बॅरल 74.05 डॉलरवर व्यापार करत आहे. तसेच, भारतीय तेल कंपन्यांच्या म्हणण्यानुसार, आज (गुरुवारी) देशात पेट्रोल-डिझेलच्या दरांत कोणताही बदल झालेला नाही. दिल्ली ते मुंबई आणि कोलकाता ते चेन्नई या सर्व महानगरांमध्ये पेट्रोल आणि डिझेलचे दर स्थिर आहेत.
Petrol Diesel Price Today : देशांतील मोठ्या शहरांतील पेट्रोल-डिझेलचे दर
| देशातील महानगरं | पेट्रोल (प्रति लिटर) | डिझेल (प्रति लिटर) |
| दिल्ली | 96.72 रुपये | 89.62 रुपये |
| मुंबई | 106.31 रुपये | 94.27 रुपये |
| कोलकाता | 106.03 रुपये | 92.76 रुपये |
| चेन्नई | 102.63 रुपये | 94.24 रुपये |
Petrol Diesel Price Today : राज्यात कोणत्या शहरात किती दर?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 रुपये प्रति लिटर
- परभणी : 109.45 रुपये प्रति लिटर, डिझेल 95.81 रुपये प्रति लिटर
- नाशिक : पेट्रोल 106.77 रुपये प्रति लिटर, डिझेल 93.27 रुपये प्रति लिटर
पेट्रोल आणि डिझेलचे दर कसे ठरवले जातात?
पेट्रोल आणि डिझेलच्या किंमती ठरवण्यासाठी अनेक घटक जबाबदार असतात. यामध्ये आंतरराष्ट्रीय बाजारात कच्च्या तेलाची किंमत आणि रुपया आणि डॉलरचा दर यांचाही मोठा वाटा आहे. ओपेक प्लस म्हणजे पेट्रोलियम उत्पादक देशांनी केलेल्या उत्पादनात कपात आणि रशिया-युक्रेन युद्धामुळे निर्माण झालेली परिस्थिती यामुळे सध्या पेट्रोल आणि डिझेलचे दर स्थिर आहेत. भारतातील तेल कंपन्यांनी गेल्या काही महिन्यांपासून पेट्रोल आणि डिझेलचे दर कायम ठेवले आहेत.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
