Petrol-Diesel Price Today: महाराष्ट्रातील काही जिल्ह्यांत पेट्रोल-डिझेलच्या किमतींत किरकोळ बदल; जाणून घ्या आजचे दर
Petrol Diesel Price : 22 मे पासून पेट्रोल आणि डिझेलच्या दरांत कोणताही बदल झालेला नाही. आजही देशातील पेट्रोल-डिझेलच्या किमती स्थिर आहेत.
Petrol Diesel Rate on 20th August 2023: आंतरराष्ट्रीय बाजारात कच्च्या तेलाच्या किमतीत आज कोणताही बदल झालेला नाही. WTI क्रूड प्रति बॅरल 81.25 डॉलरनं विकलं जात आहे. तसेच, ब्रेंट क्रूड प्रति बॅरल 84.80 डॉलरवर व्यापार करत आहे. देशातील तेल विपणन कंपन्यांनी पेट्रोल आणि डिझेलचे नवे दर (Petrol Diesel Price) जाहीर केले आहेत. भारतात दररोज सकाळी 6 वाजता इंधनाचे दर सुधारित केले जातात. जून 2017 पूर्वी दर 15 दिवसांनी किमतीत सुधारणा केली जात होती.
देशात एक वर्षाहून अधिक काळापासून पेट्रोल-डिझेलचे दर स्थिर आहेत. यापूर्वी 22 मे 2022 रोजी पेट्रोल-डिझेलच्या दरांत बदल करण्यात आला होता. तेव्हापासून पेट्रोल-डिझेलचे दर स्थिर आहेत. महाराष्ट्रातील काही जिल्ह्यांमध्येही पेट्रोल-डिझेलच्या किमतींमध्ये किरकोळ बदल झाल्याचं पाहायला मिळत आहे. महाराष्ट्रात पेट्रोल 43 पैशांनी तर डिझेल 41 पैशांनी स्वस्त झालं आहे. बिहारमध्ये पेट्रोलच्या दरांत 39 पैशांची तर डिझेलच्या दरात 37 पैशांची घट झाली आहे. गुजरातमध्ये पेट्रोल आणि डिझेल 29 पैसे स्वस्त विकलं जात आहे. तसेच, केरळ आणि आंध्र प्रदेशमध्ये पेट्रोल आणि डिझेलच्या दरांत घट झाली आहे. दुसरीकडे आसाममध्ये पेट्रोल 43 पैशांनी तर डिझेल 42 पैशांनी महागलं आहे. मध्य प्रदेशात पेट्रोल 33 पैसे तर डिझेल 30 पैशांनी महागले आहे.
महाराष्ट्रात कोणत्या जिल्ह्यात किती बदलले पेट्रोल-डिझेलचे दर?
- पुण्यात पेट्रोलचे दर 106.79 रुपये प्रति लिटर, तर डिझेल 93.28 रुपये प्रति लिटर आहे.
- नाशकात पेट्रोलचे दर 106.56 रुपये प्रति लिटर, तर डिझेल 93.07 रुपये प्रति लिटर
- अहमदनगरमध्ये एक लिटर पेट्रोल 106.19 रुपये, तर एक लिटर डिझेल 92.72 रुपयांना
- सिंधुदुर्गात पेट्रोलची किंमत 107.98 रुपये प्रति लिटर, तर डिझेल 94.46 रुपये प्रति लिटर
- सोलापुरात एक लिटर पेट्रोल 106.59 रुपयांना, तर एक लिटर डिझेल 93.11 रुपयांना
- कोल्हापुरात एक लिटर पेट्रोल 106.92 रुपये प्रति लिटर, तर एक लिटर डिझेल 93.44 रुपये प्रति लिटर
- नागपुरात पेट्रोल 106.06 रुपये प्रति लिटर, तर डिझेल 92.59 रुपये प्रति लिटर
- गडचिरोलीत 107.52 रुपये प्रति लिटर पेट्रोल, तर डिझेल 94.01 रुपये प्रति लिटर
देशातील महानगरांत पेट्रोल-डिझेल स्थिर
- दिल्लीमध्ये पेट्रोल 96.72 रुपये आणि डिझेल 89.62 रुपये प्रति लिटर (Delhi Petrol Diesel Price)
- मुंबईमध्ये पेट्रोल 106.31 रुपये आणि डिझेल 94.27 रुपये प्रति लिटर (Mumbai Petrol Diesel Price)
- कोलकातामध्ये पेट्रोल 106.03 रुपये आणि डिझेल 92.76 रुपये प्रति लिटर
- चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर
दररोज सकाळी 6 वाजता होतात दर अपडेट
दररोज सकाळी 6 वाजता पेट्रोल आणि डिझेलच्या दरात बदल होतो. नवे दर सकाळी 6 वाजल्यापासून लागू होणार आहेत. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीपेक्षा जवळपास दुप्पट होते. त्यामुळेच पेट्रोल आणि डिझेलचे दर वाढलेले दिसत आहेत.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
