Petrol Diesel Price: कच्च्या तेलाचे दर गडगडले; देशातील पेट्रोल-डिझेलच्या किमतींची स्थिती काय?
Petrol and Diesel Price: भारतीय तेल कंपन्यांकडून देशात पेट्रोल-डिझेलचे दर जाहीर करण्यात आले आहेत. जाणून घ्या तुमच्या शहरांतील किमती काय?
Petrol and Diesel Price Today : भारतातील पेट्रोल आणि डिझेलचे दर (Petrol and Diesel Price) दररोज सकाळी 6 वाजता तेल कंपन्या जाहीर करतात. आंतरराष्ट्रीय बाजारातील कच्च्या तेलाच्या किमतींच्या (Crude Oil Price) आधारे या किमती निश्चित केल्या जातात. 18 फेब्रुवारी 2023 बद्दल बोलायचं झालं तर आज कच्च्या तेलाच्या किमतींत मोठी घसरण नोंदवली जात आहे. WTI कच्च्या तेलाची किंमत (WTI Crude Oil Price) 2.74 टक्क्यांनी घसरुन प्रति बॅरल 76.34 डॉलरवर व्यापार करत आहे. तसेच, ब्रेंट क्रूड ऑईलमध्ये (Brent Crude Oil) देखील 2.51 टक्क्यांची मोठी घसरण नोंदवली गेली आहे आणि ते प्रति बॅरल 83.00 डॉलरवर व्यापार करत आहे. कच्च्या तेलाच्या किमती घसरल्यानंतर अनेक शहरांमध्ये पेट्रोल आणि डिझेलच्या दरांत बदल झाला आहे.
महानगरांमध्ये पेट्रोल-डिझेलच्या किमती काय?
देशातील महानगरांत आज पेट्रोल-डिझेलचे दर स्थिर आहेत. देशाच्या राजधानीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटरने विकलं जात आहे. तर देशाची आर्थिक राजधानी मुंबईबद्दल बोलायचं झालं तर, येथे पेट्रोल 106.31 रुपये प्रति लिटर आणि डिझेल 94.27 रुपये प्रति लिटरवर स्थिर आहे. याशिवाय, चेन्नईमध्ये पेट्रोलचा दर 102.63 रुपये प्रति लिटर आणि डिझेलचा दर 94.24 रुपये प्रति लीटर आहे. त्याचवेळी कोलकातामध्ये पेट्रोल 106.03 रुपये प्रति लिटर आणि डिझेल 92.76 रुपये प्रति लिटर दराने विकलं जात आहे.
Petrol Diesel Price Today : राज्यात कोणत्या शहरात किती दर?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 रुपये प्रति लिटर
- परभणी : 109.45 रुपये प्रति लिटर, डिझेल 95.81 रुपये प्रति लिटर
- नाशिक : पेट्रोल 106.77 रुपये प्रति लिटर, डिझेल 93.27 रुपये प्रति लिटर
पेट्रोल आणि डिझेलचे दर कसे ठरवले जातात?
पेट्रोल आणि डिझेलच्या किंमती ठरवण्यासाठी अनेक घटक जबाबदार असतात. यामध्ये आंतरराष्ट्रीय बाजारात कच्च्या तेलाची किंमत आणि रुपया आणि डॉलरचा दर यांचाही मोठा वाटा आहे. ओपेक प्लस म्हणजे पेट्रोलियम उत्पादक देशांनी केलेल्या उत्पादनात कपात आणि रशिया-युक्रेन युद्धामुळे निर्माण झालेली परिस्थिती यामुळे सध्या पेट्रोल आणि डिझेलचे दर स्थिर आहेत. भारतातील तेल कंपन्यांनी गेल्या काही महिन्यांपासून पेट्रोल आणि डिझेलचे दर कायम ठेवले आहेत.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
