GST Collection From Maharashtra : फेब्रुवारीत सर्वाधिक जीएसटी महाराष्ट्रातून जमा; दुसऱ्या स्थानावरील राज्यापेक्षा दुप्पट कर संकलन
GST Collection From Maharashtra : फेब्रुवारी महिन्यातही महाराष्ट्रातून सर्वाधिक जीएसटी जमा करण्यात आला आहे. अर्थ मंत्रालयाने दिलेल्या माहितीत ही आकडेवारी जाहीर झाली आहे.
GST Collection From Maharashtra : अर्थ मंत्रालयाने आज फेब्रुवारी महिन्यातील जीएसटी कर संकलनाची (GST Collection) आकडेवारी जाहीर केली आहे. फेब्रुवारी महिन्यात जीएसटी कर संकलन (GST) 1,49,577 कोटी रुपये इतके झाले आहे. मागील वर्षाच्या तुलनेत 12 टक्क्यांची तेजी दिसून आली. फेब्रुवारी महिन्यातही महाराष्ट्रातून सर्वाधिक जीएसटी (GST From Maharashtra) वसूल करण्यात आला. दुसऱ्या स्थानावर कर्नाटक (Karnataka) राज्य आहे. मात्र, कर्नाटकच्या तुलनेत महाराष्ट्राचे उत्पन्न जवळपास दुप्पट आहे.
महाराष्ट्रातून फेब्रुवारी 2023 मध्ये 22 हजार 349 कोटींचा जीएसटी जमा करण्यात आला. तर, कर्नाटक राज्यातून 10 हजार 809 कोटी रुपयांचा जीएसटी कर जमा करण्यात आला. तिसऱ्या स्थानावर गुजरात राज्य आहे. गुजरातने मागील महिन्यात 9 हजार 574 कोटींचा कर जमा केला.
| राज्य | फेब्रुवारी-22 रक्कम कोटींमध्ये | फेब्रुवारी-23 रक्कम कोटींमध्ये | वाढ |
| जम्मू आणि काश्मीर | 326 | 434 | 33% |
| हिमाचल प्रदेश | 657 | 691 | 5% |
| पंजाब | 1,480 | 1,651 | 12% |
| चंदिगड | 178 | 188 | 5% |
| उत्तराखंड | 1,176 | 1,405 | 20% |
| हरयाणा | 5,928 | 7,310 | 23% |
| दिल्ली | 3,922 | 4,769 | 22% |
| राजस्थान | 3,469 | 3,941 | 14% |
| उत्तर प्रदेश | 6,519 | 7,431 | 14% |
| बिहार | 1,206 | 1,499 | 24% |
| सिक्कीम | 222 | 265 | 19% |
| अरुणाचल प्रदेश | 56 | 78 | 39% |
| नागालँड | 33 | 54 | 64% |
| मणिपूर | 39 | 64 | 64% |
| मिझोरम | 24 | 58 | 138% |
| त्रिपुरा | 66 | 79 | 20% |
| मेघालय | 201 | 189 | -6% |
| आसाम | 1,008 | 1,111 | 10% |
| पश्चिम बंगाल | 4,414 | 4,955 | 12% |
| झारखंड | 2,536 | 2,962 | 17% |
| ओदिशा | 4,101 | 4,519 | 10% |
| छत्तीसगड | 2,783 | 3,009 | 8% |
| मध्य प्रदेश | 2,853 | 3,235 | 13% |
| गुजरात | 8,873 | 9,574 | 8% |
| दादरा आणि नगर हवेली | 260 | 283 | 9% |
| 19,423 | 22,349 | 15% | |
| कर्नाटक | 9,176 | 10,809 | 18% |
| गोवा | 364 | 493 | 35% |
| लक्षद्वीप | 1 | 3 | 274% |
| केरळ | 2,074 | 2,326 | 12% |
| तामिळनाडू | 7,393 | 8,774 | 19% |
| पाँडिचेरी | 178 | 188 | 5% |
| अंदमान आणि निकोबार बेटं | 22 | 31 | 40% |
| तेलंगणा | 4,113 | 4,424 | 8% |
| आंध्र प्रदेश | 3,157 | 3,557 | 13% |
| लडाख | 16 | 24 | 56% |
| इतर प्रदेश | 136 | 211 | 55% |
| केंद्र सरकारच्या अखत्यारीत असलेले विभाग | 167 | 154 | -8% |
| एकूण | 98,550 | 1,13,096 | 15% |
सरकारने आयजीएसटी मधून नियमित थकबाकीपोटी ₹34,770 कोटी सीजीएसटी आणि ₹29,054 कोटी एसजीएसटी ची थकबाकी दिली आहे. फेब्रुवारी 2023 मध्ये नियमित थकबाकी नंतर केंद्र आणि राज्यांकडून जमा झालेला एकूण महसूल, CGST साठी ₹62,432 कोटी आणि SGST साठी ₹63,969 कोटी इतका आहे. याव्यतिरिक्त, केंद्राने शिल्लक GST भरपाई पोटी, जून 2022 या महिन्यासाठी ₹16,982 कोटी, तर आधीच्या कालावधीसाठीची AG प्रमाणित आकडेवारी पाठवणारी राज्ये/केंद्रशासित प्रदेश यांना ₹16,524 कोटी रक्कम जारी केली होती.
जानेवारीच्या तुलनेत फेब्रुवारीमध्ये जीएसटीमध्ये घट
जानेवारी महिन्याच्या तुलनेत फेब्रुवारीमध्ये जीएसटी महसुलात घट झाली आहे. जानेवारी 2023 मध्ये 1.57 लाख कोटी रुपयांचे कर संकलन झाले आहे. आतापर्यंतचा हा दुसरा क्रमांकाचा सर्वाधिक आकडा आहे. एप्रिल 2022 मध्ये 1.68 लाख कोटी रुपयांचा महसूल जीएसटीद्वारे मिळाला होता. हा आतापर्यंतचा सर्वाधिक आकडा आहे.
अर्थ मंत्रालयाने दिलेल्या माहितीनुसार, फेब्रुवारी 2023 मध्ये एकूण GST संकलन 1,49,577 कोटी रुपये आहे. यापैकी केंद्रीय GST (CGST) 27,662 कोटी रुपये आहे. तर राज्य GST (SGST) कर संकलन 34,915 कोटी रुपये आहे. तर IGST 75,069 कोटी रुपये जमा झाले आहेत. याशिवाय 11,931 कोटी रुपयांच्या उपकराचाही समावेश आहे.
जीएसटी संकलन दरवर्षी 12 टक्क्यांनी वाढले
वर्षभरापूर्वी याच महिन्यात जीएसटी संकलन 1.33 लाख कोटी रुपये होते. फेब्रुवारी 2023 शी तुलना करता जीएसटी संकलन वार्षिक आधारावर 12 टक्क्यांनी वाढले आहे. फेब्रुवारी महिन्यात केवळ 28 दिवस असल्याने जीएसटी संकलन इतर महिन्यांच्या तुलनेत कमी असल्याकडे ही अर्थ मंत्रालयाने लक्ष वेधले आहे.
महत्त्वाच्या बातम्या
