EPFO News : ईपीएफ खातेदारांसाठी गुड न्यूज लवकरच, ईपीएफओ व्याज दर जाहीर करणार, 12 टक्के व्याज कधी मिळालेलं?

EPFO : भारतात संघटित क्षेत्रात प्रामुख्यानं खासगी क्षेत्रात काम करणाऱ्या कर्मचाऱ्यांच्या वेतनातून ठराविक रक्कम ईपीएफओकडे जमा केले जातात.

ईपीएफओ व्याज किती देणार?

ईपीएफओकडून येत्या 28 फेब्रुवारीला मोठी घोषणा केली जाण्याची शक्यता आहे. 2024-25 या आर्थिक वर्षात ईपीएफओला त्यांच्या गुंतवणुकीवर चांगला परतावा मिळाला आहे.

ईपीएफओ या रकमेतून खातेधारकांना व्याजाच्या रुपात परतावा म्हणून देईल. ईपीएफओच्या सेंट्रल बोर्ड ऑफ ट्रस्टीजची बैठक 28 फेब्रुवारी रोजी होणार आहे.

ईपीएफओकडे जवळपास 7 कोटी सदस्या आहेत. सूत्रांच्या माहितीनुसार ईपीएफओकडून 28 फेब्रुवारीच्या बैठकीत व्याज दर निश्चित करुन केंद्रीय वित्त मंत्रालयाला कळवले जातील. त्याला वित्त मंत्रालयाची मंजुरी घेतली जाईल.

2023-24 मध्ये ईपीएफओनं 8.25 टक्के व्याज दिलं होतं. तर, 2002-03 या आर्थिक वर्षात 9.50 टक्के व्याज खातेधारकांना मिळालं होतं. ईपीएफओनं सर्वाधिक व्याज 1992-93 या वर्षात दिलं होतं. त्यावेळी 12 टक्के व्याज पीएफ खातेधारकांना मिळालं होतं.

2024-25 या आर्थिक वर्षात ईपीएफओनं 5.08 कोटी क्लेम मंजूर केले आहेत. या माध्यमातून 2.05 लाख कोटी रुपये खातेधारकांना देण्यात आले आहेत.