Gold Silver Price : सोन्याच्या दरात किरकोळ वाढ तर चांदीच्या दरात 400 रुपयांची घसरण
Gold Silver Price : मुंबई आणि पुण्यात आज 22 कॅरेटच्या सोन्याचा भाव हा 46,580 रुपये इतका आहे तर 24 कॅरेट सोन्याचा भाव हा 47,580 रुपये इतका आहे. आज एक किलो चांदीचा भाव हा 71,600 रुपये इतका आहे.
मुंबई : शनिवारी बाजार बंद होताना सोन्या-चांदीच्या भावात काही किरकोळ चढ-उतार पहायला मिळाली. आज रविवारी, सोन्याच्या किंमतीत 90 रुपयांची वाढ झाली असून मुंबई आणि पुण्यात आज 22 कॅरेटच्या सोन्याचा भाव हा 46,580 रुपये इतका आहे तर 24 कॅरेट सोन्याचा भाव हा 47,580 रुपये इतका आहे. काल हाच दर 47,490 रुपये इतका होता.
गेल्या काही दिवसांचा विचार करता स्थिर असलेले सोन्याचे भाव हे बदलत आहेत. 20 मे रोजी 10 ग्रॅम 22 कॅरेट सोन्याचा भाव 46,000 रुपये होता, तर 10 ग्रॅम 24 कॅरेट सोन्याचा भाव 47,000 हजार रुपये होता. त्यानंतर 21 मेपासून 26 मेपर्यंत सोन्याचे भाव स्थिर असल्याचं पाहायला मिळत होतं. बुधवारी अचानक त्यामध्ये तेजी आली आणि 800 रुपयांनी तो वधारला. गुरुवारी पुन्हा त्यामध्ये 200 रुपयांची घट झाल्याचं पहायला मिळालं. आज रविवारी त्यामध्ये पुन्हा 90 रुपयांची वाढ झाली आहे.
शुक्रवारी चांदीचा दर हा 72,000 रुपये इतका होता. आज त्यामध्ये 400 रुपयांची घसरण झाली असून ती किंमत 71,600 रुपयांवर पोहोचली आहे. चांदीच्या भावाचा विचार करता गेल्या दहा दिवसात या दरात चढ-उतार दिसत आहे. 16 मे रोजी चांदीचा दर प्रतिकिलो 71,000 हजार रुपये इतका होता. तर 18 मे रोजी तो प्रतिकिलो 74,000 हजारांवर पोहोचला. पुन्हा 19 मेपासून चांदीच्या दरात घट झाल्याचं पाहायला मिळालं. 19 मे रोजी प्रतिकिलो 73,000 रुपये, 20 मे रोजी प्रतिकिलो 72,300 रुपये, 21 मे रोजी प्रतिकिलो 71,200 रुपये, 22 मे प्रतिकिलो 71,100 रुपयांपर्यंत चांदीच्या दरात घट झाली. त्यानंतर 23 मे रोजी चांदीच्या दरात 100 रुपयांनी वाढ झाली, तर 24 मे रोजी चांदीच्या दरात 300 रुपयांची वाढ झाली होती. तर 25 आणि 26 मे रोजी चांदीच्या दरात 300 रुपयांची घट झाली होती. 28 मे रोजी चांदीच्या भावात 600 रुपयांनी वाढ होऊन ती 72,000 वर पोहोचली होती. आता त्या किंमतीत 400 रुपयांची घट होऊन 71,600 रुपयांवर पोहोचली आहे.
मुंबईतील सोन्याच्या भावावर आंतरराष्ट्रीय दराचा जरी फरक पडत असला तरी काही स्थानिक गोष्टीही प्रभाव टाकतात. इंडियन बुलियन ज्वेलर्स असोसिएशनकडून मुंबईतील सोन्याचा दर ठरवला जातोय. त्यामध्ये स्थानिक आयात कर आणि MCX या कमोडिटी मार्केटचा विचार केला जातो. MCX हे देशातील सर्वात मोठे कमोडिटी मार्केट असून या ठिकाणी सोन्याचा भाव ठरवला जातो.
ऑगस्ट 2020 मध्ये सोन्याच्या भावाने प्रती 10 ग्रॅमसाठी 56 हजार रुपयांचा विक्रमी आकडा गाठला होता. त्यानंतर सोन्याच्या भावामध्ये आता जवळपास 11 हजारांहून जास्त रुपयांची घसरण झाल्याची पहायला मिळतंय.
महत्वाच्या बातम्या :
महत्त्वाच्या बातम्या
