Gold Silver Price Today : सोन्या-चांदीच्या किंमती 'जैसे थे', तुमच्या शहरातील दर जाणून घ्या

Gold Silver Price Today : रशिया-युक्रेन तणावाचा परिणाम भारतीय बाजारपेठेवरही झाला आहे. जाणून घ्या सोन्या-चांदीचे ताजे दर.

Gold Silver Price Today

Gold Silver Price Today : रशिया-युक्रेन युद्धाचा परिणाम आंतरराष्ट्रीय बाजारावर होताना दिसत आहे. या युद्धाचा परिणाम आंतरराष्ट्रीय व्यवहारावर तर होतोच आहे. परंतु, भारतीय बाजारपेठेवरही या युद्धाचे पडसाद उमटताना दिसतायत. याच युद्धाचा परिणाम म्हणून सोन्या-चांदीच्या किंमतीतही सातत्याने अस्थिरता निर्माण झाली आहे. सोन्याचे दर आज 52 हजारांवर पोहोचले आहेत. जाणून घ्या आजचे ताजे दर..

आजचे सोन्या-चांदीचे दर : 

मॅक्स कमॉडिटी एक्सचेंजवर (MCX) सोन्याचे फ्युचर्स 0.58 टक्क्यांनी वाढून 24 कॅरेट सोन्याचे दर आज 52,800 रूपये झाले आहेत. तर, चांदीचे दर 0.71 टक्क्यांनी वाढून 69,400 रूपये प्रति किलो झाले आहेत.

जागतिक बाजारातीवल सोन्याचे दर :   

स्पॉट गोल्ड 0139 GMT नुसार 0.8 टक्क्यांनी घसरून $1,975.69 प्रति औंस होता, जे सत्राच्या सुरुवातीला 1 टक्क्यांनी घसरले होते. यूएस सोन्याचे फ्युचर्स 0.5 टक्क्यांनी घसरून $1,978.80 वर आले. तर, स्पॉट सिल्व्हरचा दर 0.9 टक्क्यांनी घसरून $25.49 प्रति औंस झाला, तर प्लॅटिनम 1.1 टक्क्यांनी घसरून $1,065.14 वर आला. पॅलेडियम 1.1 टक्क्यांनी घसरून $2,904.04 प्रति औंस झाला.

तुमच्या शहराचे दर तपासा :

तुम्ही घरी बसूनही सोन्याची किंमत तपासू शकता. इंडियन बुलियन अँड ज्वेलर्स असोसिएशनच्या मते, तुम्ही 8955664433 या क्रमांकावर मिस कॉल देऊन किंमत तपासू शकता. तुम्ही ज्या नंबरवरून मेसेज कराल त्याच नंबरवर तुम्हाला मेसेज येईल. 

खरेदी करण्यापूर्वी सोन्याची शुद्धता तपासा :

तुम्ही सोने खरेदी करत असाल तर त्यापूर्वी त्याची शुद्धता नक्कीच तपासा. BIS CARE APP द्वारे तुम्ही कोणत्याही हॉलमार्क केलेल्या दागिन्यांची शुद्धता सहज तपासू शकता. यासाठी तुम्ही दागिन्यांचा HUID क्रमांक 'verify HUID' द्वारे तपासू शकता. याबरोबरच तुम्ही ISI मार्कने कोणत्याही वस्तूची शुद्धता देखील तपासू शकता.

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha