Petrol-Diesel Price : कच्च्या तेलाच्या किमतींमध्ये तेजी, देशातही दरवाढ होणार?
Petrol-Diesel Price Today 12 March 2022 : देशातील निवडणूका संपल्या असून निवडणुकांनंतर देशात दरवाढ होण्याची शक्यता वर्तवण्यात येत होती. अशातच आजही देशातील दर स्थिर आहेत.
Petrol-Diesel Price Today 12 March 2022 : रशिया युक्रेन युद्धामुळं कच्च्या तेलाच्या किमतींमध्ये सातत्यानं वाढ होत असल्याचं पाहायला मिळत आहे. ब्रेंट क्रूड ऑईल जे 109 डॉलरच्या जवळ पोहोचलं होतं, त्याच्या किमतीमध्ये पुन्हा वाढ झाल्याचं पाहायला मिळत आहे. आज कच्च्या तेलाची किंमत प्रति बॅरल 112 डॉलरच्या पुढे गेली आहे. कच्च्या तेलाच्या किमती वाढण्यामागे रशिया आणि युक्रेनमध्ये सुरू असलेलं युद्ध हे आहे. दोन्ही देशांतील युद्धाचा आजचा 17वा दिवस आहे. त्याचा परिणाम क्रूडच्या किमतीवर दिसून येत आहे. देशाबद्दल बोलायचं झालं तर मुंबई, दिल्लीसह सर्वच मोठ्या महानगरांत आजही पेट्रोल आणि डिझेलच्या दरांत कोणताही बदल झालेला नाही.
देशात पेट्रोल-डिझेलच्या किमती काय?
देशात आज पेट्रोल आणि डिझेलच्या दरांमध्ये कोणताही बदल झालेला नाही. त्यामुळे सर्वसामान्यांच्या खिशाला काहीसा दिलासा मिळाला आहे. बऱ्याच दिवसांपासून देशात निवडणूक निकालांनंतर पेट्रोल-डिझेल दरवाढीचा भडका उडणार असल्याचं सांगितलं जात होतं. अशातच 10 मार्च रोजी देशातील पाच राज्यांतील विधानसभा निवडणुकांचे निकाल जाहीर करण्यात आले आहेत. भाजपनं चार राज्यांच आपलं वर्चस्व दाखवलं आहे. तर पंजाबमध्ये आपनं एकहाती सत्ता मिळवली आहे. त्यानंतर देशात इंधन दरवाढीचा भडका उडणार असल्याचं सांगितलं जात होतं. पण निकालानंतर 3 दिवसांनीही देशातील पेट्रोल-डिझेलचे दर स्थिर आहेत.
128 दिवसांनंतरही पेट्रोल-डिझेलचे दर स्थिर
देश पेट्रोल-डिझेलचे दर 4 नोव्हेबंरपासून स्थिर आहेत. सलग 128 दिवसांपासून देशात पेट्रोल-डिझेलच्या दरांत कोणताही बदल करण्यात आला नाही. देशात जवळपास 4 महिन्यांपासून इंधन दर स्थिर आहेत.
देशात चार महानगरांतील पेट्रोल-डिझेलचे दर काय?
- दिल्लीत पेट्रोल 95.41 रुपये आणि डिझेल 86.67 रुपये प्रति लिटर
- मुंबईत पेट्रोल 109.98 रुपये आणि डिझेल 94.14 रुपये प्रति लिटर
- चेन्नईत पेट्रोल 101.40 रुपये आणि डिझेल 91.43 रुपये प्रति लिटर
- कोलकाता पेट्रोल 104.67 रुपये आणि डिझेल 89.79 रुपये प्रति लिटर
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
