Shashi Ruia Death : एस्सार उद्योग समूहाचे सहसंस्थापक शशी रुईया यांचे निधन
एस्सार उद्योग समूहाचे सहसंस्थापक शशी रुईया यांचे वयाच्या 80 व्या वर्षी निधन झाले आहे. गेल्या काही दिवसांपासून ते आजारी होते.
Shashi Ruia Death: उद्योग विश्वात मोठं नाव असलेले एस्सार उद्योग समूहाचे सहसंस्थापक शशी रुईया यांचे वयाच्या 80 व्या वर्षी निधन झाले आहे. त्यांच्या या निधनानंतर एस्सार उद्योग समूह तसेच भारतभरातून हळहळ व्यक्त केली जात आहे. मिळालेल्या माहितीनुसार अनेक दिवासंपासून ते आजारी होते. सूत्रांच्या माहितीनुसार 25 नोव्हेंबरच्या रात्री 12 वाजता मुंबईत त्यांची प्राणज्योत मालवली.
नरेंद्र मोदी यांनी व्यक्त केले दु:ख
शशी रुईया यांचे पार्थीव रुईया हासमध्ये अंतिम दर्शनासाठी ठेवण्यात आले आहे. संध्याकाळी 4 वाजता त्यांच्या पार्थीवावर बाणगंगा स्मशानभूमीवर अंत्यसंस्कार केले जाणार आहेत. शशी रुईया यांच्या निधानानंतर पंतप्रधान नरेंद्र मोदी यांनीदेखील दु:ख व्यक्त केले आहे. "शशी रुईया हे दूरदृष्टी असलेले उद्योजक होते. त्यांनी भारताच्या उद्योगविश्वाचा चेहरामोहरा बदलला. त्यांच्या निधन हे दुख:दायक आहे," अशा भावना मोदी यांनी व्यक्त केल्या.
Shri Shashikant Ruia Ji was a colossal figure in the world of industry. His visionary leadership and unwavering commitment to excellence transformed the business landscape of India. He also set high benchmarks for innovation and growth. He was always full of ideas, always… pic.twitter.com/2Dwb2TdyG9
— Narendra Modi (@narendramodi) November 26, 2024
उद्योगपती शशी रुईया यांचे करिअर
उद्योगपती शशि रुईया यांनी उद्योग जगतात 1965 साली पाऊल ठेवले. वडील नंद किशोर रुईया यांच्या मार्गदर्शनाखाली त्यांनी उद्योगविश्वात प्रगती केली. त्यांनी 1969 साली त्यांचे बंधू रवी रुईया यांच्या सोबतीने एस्सार उद्योग समूहाची स्थापना केली. या उद्योग समूहामार्फत स्टील, एनर्जी, शिपिंग, पोर्ट्स आदी वेगवेगळ्या क्षेत्रात काम केले जाते.
हेही वाचा :
बाळाचा जन्म होताच करा फक्त 'हे' एक महत्त्वाचं काम, 18 वर्षांचं होताच, मूल होईल करोडपती!
महत्त्वाच्या बातम्या
