एक्स्प्लोर

Share Market : दलाल स्ट्रीटवर होळीच्या रंगांची उधळण; Sensex मध्ये 1,047 तर Nifty मध्ये 311 अंकांची उसळी

Share Market : आज सर्वच कंपन्यांच्या शेअर्समध्ये वाढ झाली असून ऑटो, बँक, मेटल आणि रिअॅलिटी या क्षेत्रांतील शेअर्समध्ये 2 टक्क्यांची वाढ झाली आहे.

By : एबीपी माझा वेब टीम | Edited By: अभिजीत जाधव | Updated at : 17 Mar 2022 03:47 PM (IST)

Closing Bell Share Market Holi celebrations on Dalal Street as market gains 2 percent all sectors end in the green Share Market : दलाल स्ट्रीटवर होळीच्या रंगांची उधळण; Sensex मध्ये 1,047 तर Nifty मध्ये 311 अंकांची उसळी

Sensex

मुंबई: देशभर आज होळीचा उत्साह साजरा केला जात असताना शेअर बाजारातही एक प्रकारे रंगांची उधळण झाल्याचं दिसून आले. सलग दुसऱ्या दिवशी शेअर बाजारात मोठी वाढ झाल्याचं दिसून आलं आहे. आज शेअर बाजार बंद होताना सेन्सेक्स 1,047 अंकांनी वधारला आहे तर निफ्टीही 311 अंकानी वधारला आहे. सेन्सेक्समध्ये 1.84 टक्क्यांची वाढ होऊन तो 57,863.93 वर पोहोचला आहे तर निफ्टीमध्येही 1.84 टक्क्यांची वाढ होऊन तो 17,287 वर पोहोचला आहे.

आज 2046 कंपन्यांच्या शेअर्समध्ये वाढ झाली आहे तर 1270 शेअर्समध्ये घसरण झाली आहे. 127 कंपन्यांच्या शेअर्सच्या किंमतीत कोणताही बदल झाला नाही.

आज बाजार बंद होताना ऑटो, मेटल, उर्जा, ऑईल अॅन्ड गॅस, बँक आयटी, फार्मा आणि रिअॅलिटी सेक्टरसह सर्वच क्षेत्रांमधील शेअर्सच्या किंमती वाढल्या. BSE मिडकॅप आणि स्मॉलकॅपमध्येही एक पेक्षा अधिक टक्क्याची वाढ झाली आहे.

गुरूवारी शेअर बाजारातील HDFC, JSW Steel, Titan Company, SBI Life Insurance and Kotak Mahindra Bank या कंपन्यां टॉप निफ्टी गेनर्स ठरल्या तर Infosys, Cipla, IOC, Coal India आणि HCL Technologies या कंपन्या टॉप निफ्टी लूजर्स आहेत.

रशिया-युक्रेनमध्ये सुरु असलेल्या सकारात्मक चर्चांमुळे शेअर बाजारात उत्साहाचं वातावरण आहे. तसेच अमेरीकच्या फेडरल रिझर्व्हकडून 2018 नंतर पहिल्यांदाच व्याजदरात वाढ केल्याने जगभरातील शेअर बाजारात त्याचे परिणाम दिसून येत आहेत.

सुरुवात सकारात्मक
शेअर बाजार सुरू झाला तेव्हा सेन्सेक्स 800 अंकांच्या उसळणीसह 57, 620 अंकांवर सुरू झाला. तर, निफ्टीतही तेजी दिसून आली. निफ्टी 17,200 अंकांवर खुला झाला.

या कंपन्यांचे शेअर्स वधारले