Ind vs Eng 3rd ODI : चॅम्पियन्स ट्रॉफी आधी टीम इंडियाला आणखी एक धक्का, वरुण चक्रवर्ती संघाबाहेर! रोहित म्हणाला....
अहमदाबादमधील नरेंद्र मोदी स्टेडियमवर भारत आणि इंग्लंड यांच्यात मालिकेतील शेवटचा एकदिवसीय सामना खेळला जात आहे.
India vs England 3rd ODI : अहमदाबादमधील नरेंद्र मोदी स्टेडियमवर भारत आणि इंग्लंड यांच्यात मालिकेतील शेवटचा एकदिवसीय सामना खेळला जात आहे. इंग्लंडचा कर्णधार जोस बटलरने नाणेफेक जिंकून प्रथम गोलंदाजी करण्याचा निर्णय घेतला. टीम इंडियाच्या प्लेइंग इलेव्हनमध्ये 3 मोठे बदल करण्यात आले आहेत. अष्टपैलू रवींद्र जडेजा आणि मोहम्मद शमी यांना विश्रांती देण्यात आली आहे, तर फिरकी गोलंदाज वरुण चक्रवर्ती दुखापतीमुळे या सामन्यात खेळत नाही.
या मालिकेनंतर भारतीय संघ 2025 च्या चॅम्पियन्स ट्रॉफीसाठी दुबईला रवाना होईल. पण त्याआधीच जसप्रीत बुमराहला संघातून वगळण्यात आले आहे. आता वरुण चक्रवर्तीच्या पायात समस्या आहे. वरुणची समस्या किती गंभीर आहे याबद्दल कोणतीही माहिती नाही. बुधवारी अहमदाबादमध्ये नाणेफेक झाल्यानंतर भारतीय कर्णधार रोहित शर्माने सांगितले की, वरुणच्या पायाला त्रास आहे. तो निवडीसाठी उपलब्ध नव्हता.
इंग्लंडविरुद्धच्या टी-20 मालिकेतील प्रभावी कामगिरीनंतर वरुण चक्रवर्तीला बक्षीस मिळाले आणि यशस्वी जैस्वालच्या जागी चॅम्पियन्स ट्रॉफीसाठी टीम इंडियामध्ये त्याचा समावेश करण्यात आला. पण, या मेगा स्पर्धेपूर्वी त्याच्या दुखापतीच्या बातमीने भारतीय चाहते थोडे चिंतेत आहेत. आधीच, स्टार वेगवान गोलंदाज जसप्रीत बुमराह पाठीच्या दुखापतीमुळे चॅम्पियन्स ट्रॉफी 2025 मधून आधीच बाहेर पडला आहे.
UPDATE: Varun Chakaravarthy was unavailable for selection for the 3rd ODI due to a sore right calf. #TeamIndia #INDvENG @IDFCFIRSTBank
— BCCI (@BCCI) February 12, 2025
अहमदाबाद वनडेसाठी भारताने वेगवान गोलंदाज अर्शदीप सिंगला संधी दिली आहे. मोहम्मद शमीला विश्रांती देण्यात आली आहे. शमी चॅम्पियन्स ट्रॉफीसाठी टीम इंडियाचा देखील एक भाग आहे. इंग्लंडविरुद्धच्या तिसऱ्या एकदिवसीय सामन्यात अनुभवी फिरकी गोलंदाज कुलदीप यादवही खेळताना दिसेल. वॉशिंग्टन सुंदरलाही संधी मिळाली आहे. टीम इंडियाने रवींद्र जडेजाला ब्रेक दिला आहे.
वरुणचा आतापर्यंतचा रेकॉर्ड
वरुण चक्रवर्तीने कटकमध्ये भारतासाठी एकदिवसीय पदार्पण केले. या सामन्यात त्याने एक विकेट घेतली. वरुणने टीम इंडियासाठी 18 टी-20 सामने खेळले आहेत. या काळात त्याने 33 विकेट्स घेतल्या आहेत. वरुण चक्रवर्तीची सर्वोत्तम कामगिरी म्हणजे टी-20 सामन्यात 17 धावांत 5 बळी घेणे. वरुण चक्रवर्तीचा देशांतर्गत क्रिकेटमध्येही चांगला रेकॉर्ड आहे.
हे ही वाचा -
महत्त्वाच्या बातम्या
