Budget 2022 : तणाव आणि नैराश्याचा सामना करण्यासाठी ‘National Mental Health Program’, अर्थमंत्र्यांची मोठी घोषणा

Union Budget 2022 : अर्थमंत्र्यांनी आरोग्यावर लक्ष केंद्रित करून ‘नॅशनल डिजिटल हेल्थ इकोसिस्टम’साठी (Digital health ecosystem) खुले व्यासपीठ सुरू करण्याविषयी सांगितलं.

Nirmala_Sitharaman

Union Budget 2022 : केंद्रीय अर्थमंत्री निर्मला सीतारमण (Finance Minister Nirmala Sitharaman) यांनी मंगळवारी संसदेत केंद्रीय अर्थसंकल्प 2022-23 (Union Budget 2022-23) सादर केला. आरोग्य क्षेत्रासाठी अर्थसंकल्पात अनेक घोषणा करण्यात आल्या. अर्थमंत्र्यांनी आरोग्यावर लक्ष केंद्रित करून ‘नॅशनल डिजिटल हेल्थ इकोसिस्टम’साठी (Digital health ecosystem) खुले व्यासपीठ सुरू करण्याविषयी सांगितलं. सोप्या भाषेत सांगायचे तर सरकार हेल्थ इकोसिस्टम डिजिटल प्लॅटफॉर्म लाँच करणार आहे. म्हणजेच आरोग्याशी संबंधित अनेक माहिती आता ऑनलाईन उपलब्ध होणार आहे.

अर्थमंत्र्यांनी आरोग्य क्षेत्रासाठी कोणत्या घोषणा केल्या जाणून घ्या..

* नॅशनल डिजिटल हेल्थ इकोसिस्टम लाँच केले जाईल. याद्वारे तुम्हाला अनेक प्रकारची माहिती मिळेल. उदाहरणार्थ, याच्या मदतीने हेल्थ प्रोव्हायडर्सची माहिती उपलब्ध होणार आहे. सरकार सर्वसामान्यांना कोणत्या आरोग्य सुविधा देत आहे, याचा हिशेब तपशील देखील असेल.

* नॅशनल डिजिटल हेल्थ इकोसिस्टममध्ये प्रत्येक नागरिकाला एक वेगळी ‘युनिक हेल्थ आयडेंटिटी’ दिली जाईल. म्हणजेच तुमच्या आरोग्याचा तपशील घेतला जाईल.

* अर्थमंत्री म्हणाल्या, कोरोना महामारीमुळे लोकांचे मानसिक आरोग्य बिघडले आहे. यासाठी राष्ट्रीय मानसिक आरोग्य कार्यक्रम सुरू करण्यात येणार आहे. राष्ट्रीय मानसिक आरोग्य कार्यक्रमात मानसिक आरोग्यासाठी काम करणाऱ्या 23 संस्थांचे विलीनीकरण करण्यात येणार आहे.

* यात लोक तणाव (Stress), नैराश्य (Depression) आणि अस्वस्थता यांसारख्या विषयांवर बोलू शकतात आणि त्यांना अशा मानसिक विकारांवर उपचार मिळावेत, यासाठी तज्ज्ञांशी फोनवर बोलता येईल.

* नॅशनल टेली मेंटल हेल्थ प्रोग्रामद्वारे (National Tele Mental Health Program), लोक थेट तज्ज्ञांशी बोलतील आणि त्यांच्या समस्यांवर उपाय शोधण्यात यशस्वी होतील.

* जागतिक आरोग्य संघटना (WHO) म्हणते की, जगभरात मानसिक आजारांशी संबंधित प्रकरणे वाढत आहेत. त्यांचा थेट परिणाम आरोग्य आणि अर्थव्यवस्थेवर होत आहे. मानसिक आजाराची बहुतेक प्रकरणे नैराश्यामुळे येतात. हा सर्वात सामान्य मानसिक विकार आहे, जो जगभरातील 260 दशलक्ष लोकांना प्रभावित करतो.

* जागतिक आरोग्य संघटनेनुसार (WHO), बहुतेक महिला नैराश्याने ग्रस्त आहेत. संशोधन अहवालात म्हटले आहे की, कोरोनाच्या काळात नैराश्य, तणाव आणि अस्वस्थतेची प्रकरणे वाढली आहेत. केंद्र सरकारच्या नॅशनल टेली-मेंटल हेल्थच्या मदतीने लोकांना मोठा दिलासा मिळू शकतो.

संबंधित बातम्या: 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha