Bank Holidays in June 2023 : जून महिन्यात 12 दिवस बँका राहणार बंद! बँकेत जाण्यापूर्वी सुट्ट्यांची संपूर्ण यादी तपासा
Bank Holidays in June 2023 : जून महिन्यात 12 दिवस बॅंका बंद राहणार आहेत. या सुट्ट्या संपूर्ण देशभरात लागू होणार आहेत.
Bank Holidays in June 2023 : मे महिना संपून आता जून महिना अवघ्या काही दिवसांवर येऊन ठेपला आहे. अशातच वर्षाचा सहावा महिना सुरु होण्यापूर्वी बँक (Bank Holiday) एकूण किती दिवस बंद राहणार आहेत, हे जाणून घेणं फार महत्वाचं आहे. बँक हा सर्वसामान्यांच्या जीवनाचा अविभाज्य भाग आहे. आजकाल इंटरनेट बँकिंग (Internet Banking), मोबाईल बँकिंगमुळे (Mobile Banking) लोकांची बरीचशी कामे घरबसल्याच होतात. पण मोठ्या प्रमाणात रोख रक्कम काढायची असल्यास (Cash Withdrawal), डिमांड ड्राफ्ट (Demand Draft) इत्यादी कामांसाठी बँकेची गरज भासते. यासोबतच आरबीआयने 2000 रुपयांच्या नोटा बदलण्याचे आदेश दिले आहेत. नागरिक 30 सप्टेंबर 2023 पर्यंत कोणत्याही बँकेत जाऊन 2000 रुपयांची नोट बदलू शकता. अशा परिस्थितीत, जर तुम्ही जून महिन्यात कोणतेही महत्त्वाचे काम पूर्ण करण्यासाठी बँकेत जात असाल, तर या संपूर्ण महिन्यातील सुट्ट्यांची यादी जाणून घेणं गरजेचं आहे.
जून महिन्यात 12 दिवस बॅंका बंद राहणार आहेत. या सुट्ट्या संपूर्ण देशभरात लागू होणार आहेत. नुकत्याच, रिझर्व्ह बॅंक ऑफ इंडियाने (RBI) जाहीर केलेल्या परिपत्रकानुसार जून महिन्यात कोणत्या दिवशी बॅंका बंद असणार आहेत याची यादी जाहीर केली आहे.
रिझर्व्ह बँक ऑफ इंडिया (RBI) च्या कॅलेंडरनुसार जून महिन्यात एकूण 12 दिवस बँकांची सुट्टी असेल. राज्य आणि तिथल्या सणानुसार या सुट्ट्या बदलू शकतात. बँक सुट्ट्यांची यादी आरबीआय (RBI) 3 आधारावर जारी करते. ही यादी देशभरात आणि राज्यांमध्ये साजरा केल्या जाणाऱ्या सणांवर आधारित आहे.
सुट्ट्यांची संपूर्ण यादी (Bank Holidays List in June 2023) :
4 जून 2023 : रविवार (साप्ताहिक सुट्टी)
10 जून 2023 : महिन्याचा दुसरा शनिवार
11 जून 2023 : रविवार (साप्ताहिक सुट्टी)
15 जून 2023 : मिझोराम आणि ओडिशामध्ये राजा संक्रांतीनिमित्त बँका बंद राहतील.
18 जून 2023 : रविवार (साप्ताहिक सुट्टी)
20 जून 2023 : ओडिशात रथयात्रेमुळे बँका बंद राहतील.
24 जून 2023 : महिन्याचा चौथा शनिवार
25 जून 2023 : रविवार (साप्ताहिक सुट्टी)
26 जून 2023 : त्रिपुरामध्ये खार्ची पूजेमुळे बँका बंद राहतील.
28 जून 2023 : केरळ, महाराष्ट्र, जम्मू आणि काश्मीरमध्ये ईद उल अजहानिमित्त बँका बंद राहतील.
29 जून 2023 : ईद उल अजहा निमित्त इतर राज्यांमध्ये बँका बंद राहतील.
30 जून 2023 : मिझोराम, ओडिशामध्ये रीमा ईद उल अझा बँका बंद राहतील.
वरील नमूद केलेल्या दिवसांच्या सुट्ट्या रिझर्व्ह बॅंक ऑफ इंडियाने (RBI) जाहीर केलेल्या सुट्ट्यांनुसार लागू होणार आहेत. या बॅंकेच्या सुट्ट्या असल्या तरी खातेधारकांनी बॅंकेचे काही काम करण्यासाठी नेट बँकिंग आणि मोबाईल बँकिंग वापरु शकतात. तुम्ही या सुट्ट्यांचा मागोवा ठेवल्यास, तुम्ही बँकेच्या व्यवहाराची अधिक चांगल्या पद्धतीने योजना करु शकता. लाँग वीकेंडसाठी, तुम्ही तुमच्या सुट्ट्यांचे उत्तम नियोजन देखील करु शकता.
महत्त्वाच्या बातम्या :
महत्त्वाच्या बातम्या
