Astrology : आज लक्ष्मी नारायण योगासह बनले अनेक शुभ योग; कुंभसह 'या' 5 राशींना होणार धन-ऐश्वर्य प्राप्ती, पैसा हातात खेळणार
Panchang 11 May 2024 : मे महिन्याचा अकरावा दिवस हा अनेक शुभ योगांनी संपन्न झाला आहे, याचा लाभ मुख्यत्वे 5 राशींना होणार आहे. या 5 राशींना आज आर्थिक लाभ होईल आणि त्यांच्या धनसंपत्तीत वाढ होईल. या भाग्यवान राशी नेमक्या कोणत्या? जाणून घेऊया.
Astrology 12 May 2024 : ग्रहांची स्थिती पाहता, आज 12 मेचा दिवस फार महत्त्वाचा आहे. आज, रविवार, 12 मे रोजी चंद्र कर्क राशीत जाणार आहे. मेष राशीत सूर्य आणि बुधाचा संयोग तयार होत आहे, त्यामुळे बुधादित्य योग तयार होत आहे. तसेच आज वैशाख महिन्यातील शुक्ल पक्षातील पंचमी तिथी असून या दिवशी रवियोग, बुधादित्य योग आणि अर्द्रा नक्षत्र यांचा शुभ संयोग होत असल्याने आजच्या दिवसाचं महत्त्व वाढलं आहे.आज बनत असलेल्या योगांचा 5 राशींना विशेष फायदा होणार आहे. या भाग्यवान राशी (Zodiac Signs) नेमक्या कोणत्या? जाणून घेऊया.
मिथुन रास (Gemini)
आजचा दिवस मिथुन राशीच्या लोकांसाठी खूप खास असणार आहे. तुम्हाला तुमच्या प्रत्येक कामात यश मिळेल आणि तुमची क्षमता दाखवण्याची संधीही मिळेल. तुम्हाला परदेशात नोकरीची चांगली संधी मिळू शकते, अशा संधी हातातून जाऊ देऊ नका. रविवारच्या सुट्टीमुळे आज तुम्हाला कुटुंबासोबत वेळ घालवण्याची संधी मिळेल. घरात शांती आणि समृद्धीचं वातावरण राहील. मित्रांच्या मदतीने तुम्हाला तुमचं ध्येय साध्य करण्याची संधी मिळेल. आज व्यावसायिकांना चांगला नफा मिळण्याची शक्यता आहे आणि ते सहजपणे आपला व्यवसाय वाढवू शकतात. वैवाहिक जीवनाबद्दल बोलायचं झाल्यास, तुमच्या जोडीदारासोबत तुमचं नातं घट्ट होईल आणि तुम्ही एकमेकांना पूर्ण पाठिंबा द्याल.
कन्या रास (Virgo)
आजचा दिवस कन्या राशीच्या लोकांसाठी खूप उत्साहाचा असेल. कन्या राशीच्या लोक आज यशाच्या शिखरावर असतील. नोकरी करणारे लोक आज पूर्णपणे रिलॅक्स मूडमध्ये असतील आणि मित्रांसोबत मजा करण्यात वेळ घालवतील. आज रविवारच्या सुट्टीमुळे व्यावसायिकांना कामावर अधिक मेहनत करण्याची संधी मिळेल, आज तुम्हाला चांगला नफा मिळेल. आज तुम्हाला तुमच्या वडिलांच्या मदतीने मालमत्तेशी संबंधित मोठा सौदा करण्याची संधी मिळू शकते. आज तुम्हाला तुमच्या कुटुंबातील सदस्यांकडून पूर्ण सहकार्य मिळेल आणि तुम्ही वैयक्तिक आणि व्यावसायिक जीवनातील सर्व जबाबदाऱ्या चांगल्या प्रकारे पार पाडाल. लव्ह बर्ड्स आज जोडीदारासोबत रोमँटिक डिनरवर जाऊ शकतात.
वृश्चिक रास (Scorpio)
वृश्चिक राशीच्या लोकांसाठी आजचा दिवस चांगला राहील. वृश्चिक राशीच्या लोकांचं आयुष्य आज आनंदी असेल आणि त्यांच्यात आत्मविश्वास असेल, ज्यामुळे ते मोठे निर्णय सहजपणे घेऊ शकतील. कुटुंबासोबत तीर्थयात्रेला जाण्याचा प्लॅन तुम्ही कराल आणि कौटुंबिक जबाबदाऱ्या पार पाडाल. रविवारच्या सुट्टीमुळे सर्वजण घरी उपस्थित असतील आणि तुम्ही त्यांच्याशी चांगल्या गप्पा मारू शकता, ज्याचा उपयोग तुम्हाला भविष्यात होईल. आज व्यापारी अधिक योग्य पद्धतीने व्यवसाय करू शकतील, ज्यामुळे चांगला आर्थिक नफा मिळेल. विवाहित लोक आज एखाद्या खास व्यक्तीला भेटू शकतात, ज्याच्याशी तुम्हाला पुन्हा भेटायला आणि समोरच्या व्यक्तीला समजून घ्यायला आवडेल.
मकर रास (Capricorn)
आजचा दिवस मकर राशीच्या लोकांसाठी चांगला असणार आहे. मकर राशीच्या लोकांना नशिबाची साथ मिळेल, ज्यामुळे ते त्यांच्या करिअरमध्ये प्रगती करतील, पैसे कमावतील आणि तुमच्या उत्पन्नाच्या स्त्रोतामध्ये वाढ होण्याची शक्यता आहे. आज तुम्हाला एखाद्या योग्य व्यक्तीकडून योग्य मार्गदर्शन मिळू शकेल, भविष्यातही त्याचा फायदा तुम्हाला होईल. आजचा दिवस विद्यार्थ्यांसाठी सुखकर असेल, त्यांना त्यांच्या काही जुन्या छंदांसाठी वेळ मिळू शकेल. जर तुम्हाला मालमत्ता किंवा वाहन खरेदी करायचं असेल तर तुमचं स्वप्न आज पूर्ण होऊ शकतं, ज्यामुळे तुम्ही खूप आनंदी असाल. आज तुम्ही धार्मिक कार्यात सक्रियपणे सहभागी व्हाल आणि धर्मादाय कार्यांवर पैसा खर्च करू शकाल.
मीन रास (Pisces)
मीन राशीच्या लोकांसाठी आजचा दिवस अतिशय शुभ असणार आहे. मीन राशीच्या लोकांना आज अनेक शुभ संकेत मिळतील. आज तुमच्या आजूबाजूच्या लोकांकडून तुम्हाला खूप प्रेम आणि आदर मिळेल. आज तुम्हाला प्रत्येक क्षेत्रात यश मिळेल आणि कामात चांगली कामगिरी करण्याची संधी तुम्हाला मिळेल. आज व्यावसायिक नवीन व्यवसाय देखील सुरू करू शकतात. आज तुम्हाला आर्थिक बाबतीत फायदा होईल आणि तुम्ही तुमच्या इच्छेनुसार खर्च करू शकाल. आज नवविवाहित लोकांच्या घरी विशेष पाहुण्यांचं आगमन होऊ शकतं, ज्यामुळे कुटुंबात उत्साहाचं वातावरण निर्माण होईल. रविवारच्या सुट्टीमुळे तुम्ही तुमच्या पालकांसोबत दर्जेदार वेळ घालवाल आणि त्यांचा सल्लाही तुमच्यासाठी मोलाचा ठरेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा:
महत्त्वाच्या बातम्या
ट्रेंडिंग न्यूज
