Astrology : आज जुळून आला शुभ असा 'शुक्र गुरु परिवर्तन योग'; 5 राशींच्या धनात होणार वाढ, अडचणी होणार दूर
Panchang 07 November 2024 : आज गुरुवारचा दिवस हा अनेक शुभ योगांनी संपन्न झाला आहे, या दिवशी शुक्र गुरु परिवर्तन योग निर्माण झाल्याने याचा सर्वाधिक लाभ 5 राशींना होणार आहे. या भाग्यवान राशी नेमक्या कोणत्या? जाणून घेऊया.
Astrology Panchang 06 November 2024 : आज गुरुवार, 7 नोव्हेंबरला शुक्र गुरूच्या धनु राशीत आणि गुरू शुक्राच्या राशीत (वृषभ राशीत) असेल, त्यामुळे शुक्र गुरू परिवर्तन योग (Parivartan Yog) तयार होत आहे. याशिवाय आज कार्तिक महिन्याच्या शुक्ल पक्षातील षष्ठी तिथी असून या तिथीला छठपूजेला मावळत्या सूर्याला अर्घ्य दिलं जाईल.
आज सूर्य षष्ठी उत्सवादिवशी रवि योग आणि प्रमुख नक्षत्रांचा शुभ संयोग होत असल्याने आजचं महत्त्व अधिकच वाढलं आहे. वैदिक ज्योतिष शास्त्रानुसार, 5 राशींना (Zodiac Signs) या शुभ योगांचा फायदा होणार आहे, या राशी नेमक्या कोणत्या? जाणून घेऊया.
मेष रास (Aries)
मेष राशीच्या लोकांसाठी आजचा दिवस आनंददायी असणार आहे. मेष राशीच्या लोकांच्या अनेक मनोकामना आज विष्णूच्या कृपेने पूर्ण होतील. जर तुम्हाला एखादी व्यावसायिक डील फायनल करायची असेल तर आजचा दिवस तुमच्यासाठी शुभ असेल. या राशीचे लोक ज्यांना प्रवास, शिक्षण किंवा नोकरीसाठी परदेशात जायचं आहे, त्यांना आज या बाबतीत चांगली बातमी मिळू शकते. आज नोकरदारांना करिअरमध्ये उत्कृष्ट संधी मिळतील, ज्यामुळे केवळ पगारच नाही तर तुमचा प्रभावही वाढेल. कुटुंबातील सर्व सदस्यांमध्ये परस्पर प्रेम असेल.
कन्या रास (Virgo)
कन्या राशीच्या लोकांसाठी आजचा दिवस शुभ असणार आहे. कन्या राशीला आज नशिबाची साथ मिळेल आणि त्यांचे अडकलेले पैसे परत मिळतील. लव्ह लाइफमध्ये सुरू असलेले गैरसमज दूर होतील आणि तुम्ही तुमच्या नात्याबद्दल तुमच्या कुटुंबातील सदस्यांनाही कळवाल. आज तुम्ही एखाद्या जुन्या मित्राला भेटू शकता, ज्याच्यासोबत तुम्ही जुन्या आठवणी ताज्या कराल. व्यवसाय करणाऱ्यांना आज चांगला नफा मिळेल आणि नोकरी करणाऱ्यांना आज अधिकाऱ्यांकडून पूर्ण सहकार्य मिळेल. अविवाहित लोकांसाठी आज चांगली स्थळं येऊ शकतात. संध्याकाळच्या वेळी तुम्ही घरातील मुलांसोबत खरेदी करण्याच्या मूडमध्ये असाल.
तूळ रास (Libra)
तूळ राशीच्या लोकांसाठी आजचा दिवस चांगला जाणार आहे. तूळ राशीच्या लोकांना आज जुन्या आजारांपासून आराम मिळेल आणि तुमचं मन प्रसन्न राहील. धन कमाईचे नवीन मार्ग उपलब्ध होतील, ज्यामुळे आर्थिक स्थिती सुधारेल. तुम्हाला कोणत्याही जमीन आणि मालमत्तेत गुंतवणूक करायची असेल तर आजचा दिवस तुमच्यासाठी फायदेशीर ठरेल. तुमच्या मुलांची प्रगती पाहून तुम्ही सुटकेचा नि:श्वास टाकू शकाल आणि समाजात तुमचा सन्मानही वाढेल. तुमची सर्व अपूर्ण कामं पूर्ण होतील. संध्याकाळी देव दर्शन घ्याल.
धनु रास (Sagittarius)
आजचा दिवस धनु राशीच्या लोकांसाठी खूप खास असणार आहे. धनु राशीच्या लोकांना त्यांच्या कामात येणाऱ्या अडचणी आणि समस्यांपासून आज आराम मिळेल, आज तुमची जोडीदाराशी प्रेमाने चर्चा होईल, मग तुम्ही कुठेतरी फिरायला जाण्याचा विचारही कराल. तुमचे पैसे बरेच दिवस अडकून राहण्याची शक्यता आहे आणि तुम्हाला ऑनलाइन शॉपिंगची संधीही मिळेल. जर तुम्ही कोर्ट केसमध्ये अडकले असाल तर आज तुम्हाला विष्णूच्या कृपेने आराम मिळेल आणि भविष्य लक्षात घेऊन तुम्ही चांगल्या ठिकाणी गुंतवणूक देखील करू शकता. नोकरी आणि व्यवसाय करणाऱ्यांना आज चांगला नफा मिळेल आणि कामाच्या ठिकाणी तुमच्या कामाचं कौतुकही होईल.
मीन रास (Pisces)
मीन राशीच्या लोकांसाठी आजचा दिवस लाभदायक आहे. कामाबरोबरच कुटुंबातील सदस्यांसोबत चांगला वेळ घालवाल. नवविवाहित लोकांच्या घरी विशेष पाहुण्यांचं आगमन होऊ शकतं, ज्यामुळे घरातील सर्व सदस्य खूप आनंदी दिसतील. लव्ह लाईफमध्ये असलेल्यांसाठी वेळ अनुकूल असेल, जर तुम्हाला कोणी आवडत असेल तर त्यांच्याशी आणि त्यांच्या कुटुंबाशी बोलण्यासाठी वेळ योग्य असेल. व्यवसाय करणाऱ्यांना आज चांगला नफा मिळेल आणि त्यांचा व्यवसायही वाढेल. नोकरीत असलेल्यांना आज त्यांची क्षमता दाखवण्याची संधी मिळेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
महत्त्वाच्या बातम्या
