Akshaya Tritiya 2025: अक्षय्य तृतीयेच्या दिवशी फक्त 'ही' वेळ सांभाळा! अजिबात घर झाडू नका, अन्यथा देवी लक्ष्मी रागावून निघून जाईल, वास्तुशास्त्रात म्हटलंय..
Akshaya Tritiya 2025: अक्षय्य तृतीयेच्या दिवशी देवी लक्ष्मीची कृपा तुमच्या घरावर राहावी असे तुम्हाला वाटत असेल, तर वास्तुशास्त्रानुसार या दिवशी काही खास गोष्टी लक्षात ठेवणे अत्यंत आवश्यक आहे.
Akshaya Tritiya 2025: हिंदू धर्मात अक्षय्य तृतीया हा अतिशय शुभ सण मानला जातो. या दिवशी लक्ष्मीची विशेष पूजा केली जाते. या दिवशी घरात सुख-समृद्धी राहण्यासाठी काही विशेष उपाय केले जातात. हा दिवस विशेषत: लक्ष्मी, भगवान विष्णू आणि भगवान गणेश यांच्या उपासनेसाठी ओळखला जातो. यंदा अक्षय्य तृतीया 30 एप्रिलला साजरी होणार आहे. हा दिवस वैशाख महिन्याच्या शुक्ल पक्षातील तृतीया तिथीला येतो.कोणतेही शुभ कार्य करण्यासाठी मुहूर्ताची वाट पाहावी लागत नाही. हा दिवस सर्व प्रकारे शुभ आणि लाभदायक मानला जातो.वास्तुशास्त्रानुसार या दिवशी काही खास गोष्टी लक्षात ठेवणे अत्यंत आवश्यक आहे. या दिवशी विशिष्ट वेळेत चुकूनही फरशी पुसू नये किंवा झाडू नये, जेणेकरून देवी लक्ष्मीचा आशीर्वाद कायम राहील. कोणत्या आहेत त्या गोष्टी?
अक्षय्य तृतीयेच्या दिवशी काही विशिष्ट कामे टाळणे आवश्यक आहे?
अक्षय्य तृतीया हा हिंदू धर्माचा एक अतिशय शुभ सण आहे, या दिवशी घरात सुख-समृद्धी राहावी म्हणून धनाची देवी लक्ष्मीची विशेष पूजा केली जाते. पण तुम्हाला माहित आहे का की या दिवशी काही विशिष्ट कामे टाळणे देखील आवश्यक आहे? देवी लक्ष्मीची कृपा तुमच्या घरावर राहावी असे तुम्हाला वाटत असेल. तर वास्तुशास्त्रानुसार अक्षय्य तृतीयेच्या दिवशी काही खास गोष्टी लक्षात ठेवणे अत्यंत आवश्यक आहे. एक महत्त्वाची गोष्ट म्हणजे या दिवशी घरात झाडूचा वापर विशिष्ट वेळी करू नये.
कोणत्या वेळी झाडणे टाळावे?
वास्तुशास्त्रानुसार असे मानले जाते की झाडूचा संबंध धन, समृद्धी आणि देवी लक्ष्मीशी आहे. या दिवशी झाडूचा वापर केल्यास घरातील समृद्धी संपुष्टात येते आणि देवी लक्ष्मी कोपते असे मानले जाते. या दिवशी विशेषत: सूर्यास्तानंतर घर झाडणे घराच्या समृद्धीसाठी शुभ मानले जात नाही.
झाडू धरण्याची योग्य पद्धत
वास्तुशास्त्रानुसार, झाडू योग्य ठिकाणी ठेवणे देखील खूप महत्वाचे आहे. झाडू नेहमी घराच्या दक्षिण-पश्चिम किंवा पश्चिम दिशेला ठेवावे. पश्चिम दिशा देवी लक्ष्मीशी संबंधित आहे, म्हणून तेथे झाडू ठेवल्यास लक्ष्मीचा आशीर्वाद प्राप्त होतो.
- झाडू कधीही उभा ठेवू नये, तर आडवा ठेवावा कारण झाडूला लक्ष्मीचे रूप मानले जाते.
- झाडूचा कधीही अपमान करू नये; त्याला पायाने स्पर्श करू नये. यामुळे लक्ष्मी घरात वास करत नाही.
झाडू ठेवण्याशी संबंधित इतर खबरदारी
- झाडू कधीही घरासमोर किंवा प्रवेशद्वाराजवळ ठेवू नये. असे केल्याने घरात लक्ष्मीचा वास राहत नाही.
- झाडू नेहमी अशा ठिकाणी ठेवा जेथे बाहेरून येणारे लोक पाहू शकत नाहीत.
- झाडू सुरक्षित आणि खाजगी ठिकाणी ठेवा, जेणेकरून कोणतीही नकारात्मक ऊर्जा घरात प्रवेश करू शकणार नाही.
अक्षय्य तृतीयेच्या दिवशी इतर उपाय
अक्षय्य तृतीयेच्या दिवशी आणखी एक महत्त्वाचा उपाय म्हणजे घराची स्वच्छता. घराच्या स्वच्छतेला विशेष महत्त्व आहे कारण यामुळे घरात सकारात्मक ऊर्जा येते. या दिवशी घराची स्वच्छता करावी आणि पूजाही करावी. लक्ष्मीची पूजा केल्याने घरात सुख-समृद्धी नांदते.
हेही वाचा :
May 2025 Monthly Horoscope: मेष, वृषभ, मिथुन, कर्क, सिंह, कन्या राशींचे नशीब 'मे' महिन्यात पालटणार! धनलाभाचे संकेत, मासिक राशीभविष्य वाचा
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या बातम्या
