PM किसान योजनेचा 21 वा हफ्ता तुम्हाला मिळणार की नाही? कोणत्या कारणामुळं अडकू शकतो हप्ता, जाणून घ्या सविस्तर माहिती
सरकारकडून पंतप्रधान किसान सन्मान निधी योजना (Prime Minister Kisan Samman Nidhi Yojana ) राबवली जात आहे. या योजनेद्वारे शेतकऱ्यांना दरवर्षी 6 हजार रुपयांची आर्थिक मदत दिली जाते.
Prime Minister Kisan Samman Nidhi Yojana : भारत (India) हा शेतीप्रधान देश आहे. देशात कोट्यवधी शेतकरी राहतात. परंतु त्यापैकी बरेच जण असे आहेत जे अजूनही शेती करून जास्त पैसे कमवू शकत नाहीत. भारत सरकार अशा गरीब आणि गरजू शेतकऱ्यांना आर्थिक मदत करते. यासाठी सरकारकडून पंतप्रधान किसान सन्मान निधी योजना (Prime Minister Kisan Samman Nidhi Yojana ) राबवली जात आहे. या योजनेद्वारे शेतकऱ्यांना दरवर्षी 6 हजार रुपयांची आर्थिक मदत दिली जाते.
आतापर्यंत या योजनेचा लाभ कोट्यवधी शेतकऱ्यांना झाला आहे. आतापर्यंत या योजनेत एकूण 20 हप्ते जारी करण्यात आले आहेत. 20 वा हप्ता या महिन्यात 4 ऑगस्ट रोजी जारी करण्यात आला. जर तुम्हीही पंतप्रधान किसान योजनेचे लाभार्थी असाल तर 21 वा हप्ता तुमच्या खात्यात येईल की नाही हे नेमकं कसं तपासायचं याबाबतची माहिती आपण पाहणार आहेत.
पुढील हप्ता तुमच्या खात्यात येईल की नाही हे कसे तपासायचे?
पीएम किसान सन्मान निधी योजनेअंतर्गत, शेतकऱ्यांना वर्षातून तीन वेळा 2000 रुपयांचा हप्ता दिला जातो. म्हणजेच दरवर्षी एकूण 6000 रुपये. जर तुम्हाला जाणून घ्यायचे असेल की पुढचा हप्ता तुमच्या खात्यात येईल की नाही, तर जेव्हा तो जारी होणार असेल तेव्हा योजनेच्या अधिकृत वेबसाइट pmkisan.gov.in वर जा. त्यानंतर शेतकरी कॉर्नरमध्ये लाभार्थी स्थिती निवडा. त्यानंतर तुमचा आधार क्रमांक, मोबाईल नंबर किंवा नोंदणी क्रमांक येथे प्रविष्ट करा आणि Get Data वर क्लिक करा. मागील हप्त्याची स्थिती आणि पुढील हप्त्याचे अपडेट स्क्रीनवर दिसेल. जर स्टेटसमध्ये FTO Generated किंवा Payment Sent लिहिले असेल, तर रक्कम लवकरच मिळेल. जर Pending किंवा Rejected दाखवले असेल. तर हप्ता तुमच्या खात्यात येणार नाही.
या कारणांमुळे हप्ता अडकू शकतो
PM Kisan Samman Nidhi Yojana चा हप्ता अनेक कारणांमुळे अडकू शकतो. सर्वात सामान्य कारण म्हणजे e-KYC पूर्ण न होणे आणि किसान आयडी अपडेट न करणे. त्यामुळे अनेक लोकांचे आधार त्यांच्या बँक खात्याशी लिंक केलेले नाही. काहींच्या बँक खात्याची माहिती जुळत नाही. याशिवाय, राज्य पोर्टलवर जमिनीचा रेकॉर्ड अपडेट केला जात नाही. डुप्लिकेट नोंदणी किंवा चुकीचे कागदपत्रे अपलोड केल्याने हप्ता नाकारला जातो. जर तुम्हाला स्टेटसमध्ये Pending किंवा Rejected दिसले तर ताबडतोब जवळच्या कॉमन सर्व्हिस सेंटर किंवा कृषी विभागाच्या कार्यालयात जा. जर तुमच्याकडे ई-केवायसी नसेल तर ते त्वरित करून घ्या.
महत्त्वाच्या बातम्या
