Maize Export : देशातून मका निर्यातीत मोठी वाढ, आंतरराष्ट्रीय बाजारात मागणी वाढली

आंतरराष्ट्रीय बाजारात मक्याच्या (Maize) मागणीत मोठी वाढ झाली आहे. त्यामुळं भारतातून होणारी मका निर्यात (Maize Export) देखील वाढली आहे.

Maize Export

Maize Export : आंतरराष्ट्रीय बाजारात मक्याच्या  (Maize) मागणीत मोठी वाढ झाली आहे. त्यामुळे भारतातून होणारी मका निर्यात (Maize Export) देखील वाढली आहे. कृषी मंत्रालयाने दिलेल्या माहितीनुसार 2022-23 मध्ये मकेच्या निर्यात 1.5 टक्क्यांची वाढ झाली आहे. या वर्षात 6 हजार 507 कोटी रुपयांच्या मका निर्यात झाल्याची माहिती कृषी मंत्रालयाने दिली आहे. 

निर्यातीसाठी मक्याचे दर दोन हजार 300 ते दोन हजार 500 रुपये

सध्या आंतरराष्ट्रीय बाजारात मक्याच्या दरात वाढ झाली आहे. मागणी वाढल्याने दरात वाढ झाली आहे. सध्या बाजार समित्यांमध्ये मक्याला प्रति क्विंटल दोन हजार ते दोन हजार 300 रुपयांचा दर मिळत आहे. तर निर्यातीसाठी मक्याचे दर हे दोन हजार 300 ते दोन हजार 500 रुपयांच्या दरम्यान आहेत. सध्या भारताला आग्नेय आशिया आणि पूर्व आशियातील देशांना निर्यातीसाठी वाहतूक खर्च कमी लागत आहे. त्यामुळे या देशांनी मका निर्यात वाढवली आहे. 

'या' देशातील मका उत्पादनात घट 

यावर्षी जगातील काही प्रमुख मका उत्पादक देशातील उत्पादनात घट झाली आहे. उत्पादनात घट झाल्यामुळे आंतरराष्ट्रीय बाजारात मक्याचा तुटवडा भासत आहे. परिणामी दरात चांगली वाढ होत असून, शेतकऱ्यांना याचा फायदा होत आहे. यंदा अमेरिका, अर्जेंटिना, रशिया आणि युक्रेन या महत्त्वाच्या देशांमधील मका उत्पादन घटलं आहे. अमेरिकेतील उत्पादन यंदा 411 लाख टनाने मक्याचे उत्पादन कमी झाले आहे. आंतरराष्ट्रीय बाजारात सध्या मक्याला मागणी वाढली आहे. त्यामुळे दरातही चांगली वाढ झाली आहे. सोयापेंड आणि इतर पेंडेचे दर सध्या काहीसे अधिक आहेत. त्याचा परिणाम मक्याच्या दरावर होत आहे. सध्या भारतातील रब्बीतील मका पिकाची स्थिती देखील चांगली आहे. मात्र निर्यातही वाढत आहे. सध्या निर्यातीसाठी चांगली मागणी असल्याने मक्याचे भाव हमीभावापेक्षा जास्त आहेत. 

रशिया आणि युक्रेन युद्धामुळे मका पुरवठा साखळी विस्कळीत

यावर्षी जागतिक मका उत्पादन मोठी घट झाली आहे. पाट टक्क्यांच्या आसपास मकेचे उत्पादन यावर्षी कमी राहण्याचा अंदाज वर्तवण्यात आला आहे. जागतिक पातळीवरील मका उत्पादन 11 हजार 513 लाख टनांवर स्थिरावेल, असा अंदाज व्यक्त करण्यात आला आहे. गेल्या हंगामातील उत्पादन 12 हजार 160 लाख टन होते. त्यातच रशिया आणि युक्रेन युद्धामुळे मका पुरवठा साखळी विस्कळीत झाली आहे. त्याचा परिणाम दरावर झाल्याचे चित्र दिसत आहे.

महत्त्वाच्या बातम्या: