IND vs AFG: भारत उद्या अफगाणिस्तानशी भिडणार, भारतीय संघ कोणत्या रणनीतीने मैदानात उतरणार?

T20 World Cup 2021: आयसीसी टी-20 विश्वचषकातील 32 व्या सामन्यात भारत आणि अफगाणिस्तान (India Vs Afghanistan) आमने- सामने येणार आहे. हा सामना उद्या शेख जायद स्डेडिअमवर (Sheikh Zayed Stadium) खेळला जाणार आहे. या स्पर्धेत भारतीय संघाने आपले मागील दोन्ही सामने गमावले. यामुळे उद्याचा सामना भारतीय संघासाठी महत्वाचा ठरणार आहे. कारण, या सामन्यात पराभूत झाल्यास भारत विश्वचषकातून बाहेर पडणार आहे. तर, या स्पर्धेत अफगाणिस्तानने नामिबिया आणि स्कॉटलँडला पराभूत केले. मात्र, पाकिस्तानविरुद्ध सामन्यात त्यांना पराभवाचा सामना करावा लागला होता.