World Cup 21 : हरभजन सिंगला डिवचल्यानं भज्जी आणि मोहम्मद आमिरचं  ट्विटर वॉर, एकमेकांवर चिखलफेक

भारतीय क्रिकेट संघाचा क्रिकेटपटू हरभजन सिंग आणि पाकिस्तानचा गोलंदाज मोहम्मद आमिर ट्विटरवर भिडले आहेत. दोघांमध्ये जोरदार ट्विटर युद्ध सुरु आहे. दोघांनी सर्व मर्यादा ओलांडल्या असून एकमेकांवर चिखलफेक सुरु आहे. टी-20 विश्वचषक स्पर्धेतील पाकिस्तानच्या विजयानंतर मोहम्मद आमिरने ट्विट करुन भज्जीला डिवचलं आहे. आमिरनं ट्विटरवर एक व्हिडीओ क्लिप शेअर केली. या क्लिपमध्ये शाहिद आफ्रिदी भज्जीच्या सलग चेंडूंवर 4 षटकार लगावल्याचं पाहायला मिळतंय. कसोटी क्रिकेटमध्ये असं कसं होऊ शकतं म्हणत आमिरनं भज्जीवर निशाणा साधला. आमिरच्या या ट्विटला हरभजन सिंगनंही जोरदार प्रत्युत्तर दिलं. भज्जीने आमिरला स्पॉट-फिक्सिंग प्रकरणाची आठवण करून दिली. लॉर्ड्सवर नो बॉल कसा झाला? किती घेतले आणि कोणी दिले? असा खोचक सवाल भज्जीनं विचारला. तसंच फिक्सरला सिक्सर असं ट्विट करत भज्जीनंही एक व्हिडीओ शेअर केला. यांत आमिरच्या गोलंदाजीवर षटकार ठोकून भज्जीने टीम इंडियाला विजय मिळवून दिला होता.