PM Modi | राम मंदिर निर्मितीसाठी ‘श्रीराम जन्मभूमी तीर्थक्षेत्र’ ट्रस्टची स्थापना | ABP Majha

पंतप्रधान नरेंद्र मोदी यांनी आज श्रीराम जन्मभूमीबाबत लोकसभेत मोठी घोषणा केली. आज सकाळी झालेल्या केंद्रीय मंत्रिमंडळाच्या बैठकीनंतर पंतप्रधान नरेंद्र मोदी लोकसभेत बोलत होते. या बैठकीत राम मंदिर ट्रस्ट स्थापन करण्यास मंजुरी देण्यात आली आहे. 'श्रीराम जन्मभूमी तीर्थक्षेत्र' या नावाची ट्रस्ट स्थापन करण्यात येणार आहे. सर्वोच्च न्यायालयाने 9 फेब्रुवारीपर्यंत ट्रस्ट स्थापन करण्याचे आदेश दिले होते. सर्वोच्च न्यायालयाच्या आदेशानुसार श्रीराम जन्मभूमी तीर्थक्षेत्र समितीला 67 एकर हस्तांतरित करण्याची घोषणाही पंतप्रधान नरेंद्र मोदींनी यावेळी केली.