Prithviraj Deshmukh : संजयकाका पाटील यांना उमेदवारी मिळाल्याने पृथ्वीराज देशमुख नाराज

Prithviraj Deshmukh : संजयकाका पाटील यांना उमेदवारी मिळाल्याने पृथ्वीराज देशमुख नाराज विश्वासात घेऊन काम नाही केले तर काँग्रेसची जी अवस्था आहे, ती भाजपाची व्हायला वेळ लागणार नाही अशा शब्दात भाजपाचे माजी आमदार पृथ्वीराज देशमुखांनी भाजपाच्या मंत्र्यांसह नेत्यांना खडे बोल सुनावत भाजपाला घराचा आहेर दिला आहेत. तसेच सांगली लोकसभेचे उमेदवार संजयकाका पाटील यांच्यावर देखील आगपाखड केलीय. पृथ्वीराज देशमुख हे सांगली लोकसभेसाठी भाजपकडून इच्छुक होते. पण भाजपकडून पुन्हा एकदा विद्यमान खासदार संजयकाका पाटील यांनाच तिकीट दिल्याने देशमुख नाराज झाले होते.  हीच नाराजी देशमुख यांनी 
सांगली लोकसभा निवडणुक निमित्ताने पलूस येथे आयोजित बूथ संमेलन कार्यक्रमात  उघडपणे बोलून दाखवली.आम्ही ही लोकसभेची उमेदवारी पक्षाकडे मागितली होती. आम्ही आजही पक्षाशी एकनिष्ठ आहोत, पक्षावर काहीही नाराजी नाही. पण पक्षाने आम्हला तिकीट का देणार नाही हे बोलवून सांगायला हवं होतं, असेही देशमुख म्हणालेत. यावेळी भाजपाचे खासदार संजयकाका पाटील यांच्या कार्यपद्धतीवर देखील पृथ्वीराज देशमुख यांनी  निशाणा साधत भाजपा नेत्यांना घरचा आहेर दिला आहे. या कार्यक्रमात भाजपचे नेते, कामगार मंत्री आणि पालकमंत्री सुरेश खाडे, भाजपचे जिल्हाध्यक्ष निशिकांत पाटील उपस्थित होते.