Journalist Warise Death : छातीत दु:खत असल्यानं पत्रकार वारिसेंवर हल्ला करणारा आरोपी रुग्णालयात दाखल

Journalist Warise Death : छातीत दु:खत असल्यानं पत्रकार वारिसेंवर हल्ला करणारा आरोपी रुग्णालयात दाखल

पत्रकार शशिकांत वारिसे यांच्या संशयास्पद अपघात प्रकरणातील मुख्य आरोपी पंढरीनाथ आंबेरकर याला जिल्हा रुग्णालयामध्ये दाखल करण्यात आलं आहे. आंबेरकरनं छातीत दुखत असल्याची तक्रार केली होती. त्यामुळं त्याला बुधवारी जिल्हा रुग्णालयात दाखल करण्यात आल्याचं पोलीस अधीक्षकांनी सांगितलं. पंढरीनाथ आंबेरकरला सध्या व्हीआयपी ट्रिटमेंट मिळत असल्याचं बोललं जात आहे. सूत्रांनी दिलेल्या माहितीनुसार त्याची पूर्णपणे काळजी घेतली जात असून त्याला लागणारी प्रत्येक गोष्ट कशी मिळेल त्याची खबरदारी घेतली जात आहे. या संपूर्ण प्रकरणात पोलीस पत्रकारांना कोणतीही माहिती देत नसून, आमचा तपास सुरू असल्याचं उत्तर मिळत आहे. पंढरीनाथ आंबेरकरला रुग्णालयात दाखल केल्यानंतर कोणतंही ठोस उत्तर पोलीस किंवा रुग्णालय प्रशासनाकडून देण्यात आलं नाही.