Pune Update : येरवडा परिसरात टोळक्याकडून तलवारी घेऊन तोडफोड, लोकांमध्ये दहशतीचं वातावरण

Pune Update : पुण्यातील येरवडा परिसरात दहशत माजवण्यासाठी ५ जणांच्या टोळक्यानं हातात तलवारी घेत दुकानाची तोडफोड केलीए. जयप्रकाशनगर भागातील जनरल स्टोअरमधील तोडफोडीची संपूर्ण घटना सीसीटीव्ही कॅमेऱ्यात कैद झालीय. विशेष म्हणजे या टोळीत अल्पवयीन मुलांचा समावेश आहे. याप्रकरणी ५ जणांवर गुन्हा नोंद करण्यात आलाय. आरोपी निखिल मिसाळ याने ४ साथीदारांच्या मदतीनं हातात तलवारी आणि बांबू घेऊन या दुकानात आणि परिसरात गोंधळ घातला. सुरुवातीला दुकानं बंद करण्यासाठी धमकावले आणि जाताजाता एका दुकानाच्या गल्ल्यातून या मुलांनी ५ ते ६ हजार रुपयांची रोकड पळवली. या घटनेनंतर आता येरवडा परिसरातील लोकांमध्ये दहशतीचं वातावरण आहे.