Koyta Gang Pune : पोलिसांच्या गाडीसह 15 ते 20 वाहनांची कोयता गँँगकडून तोडफोड ABP Majha

Koyta Gang Pune : पोलिसांच्या गाडीसह 15 ते 20 वाहनांची कोयता गँँगकडून तोडफोड ABP Majha

 पुण्यात कोयता गँगला (Pune Koyata Gang)  पोलिसांचा धाक उरला नाहीये हे पुन्हा एकदा समोर आलंय.  काल सिंहगड रोडवर  आता  वडगावशेरीच्या गणेशनगर कोयता गँगची दहशत पहायला मिळाली. पुण्यात कोयता टोळीने पोलिसांच्या गाडीसह 15 ते 20 वाहनांची तोडफोड केली. पुण्यातील वडगाव शेरी परिसरातील गणेश नगरमध्ये ही घटना घडली. 6 कार, 4 रिक्षा, 3 दुचाकी आणि इतर वाहनांची कोयता गँगने तोडफोड केली. गुंडाने धुमाकूळ घालत कोयते आणि दगडांनी वाहनांची तोडफोड केली. या घटनेमुळे परिसरातील नागरिकांमध्ये भीतीचं वातावरण आहे.

वडगावशेरीच्या गणेशनगर परिसरात काल कोयता टोळीच्या गुंडाने धुमाकूळ घालत हातामध्ये कोयते आणि दगड घेत वाहनांची तोडफोड करत  वाहनांची तोडफोड केल्याने परिसरातील नागरिक भयभीत झाले आहे.  सलग पुण्यात दुसऱ्या दिवशी वाहनांची तोडफोड झाल्याने पोलिसांचा धाक उरला की नाही असा सवाल उपस्थित होत आहे. कालच सिंहगड रस्त्यावरील क्रिकेट वाडी या ठिकाणी कोयता टोळीने धुमाकूळ घालत वाहनांची तोडफोड केली होती. त्यानंतर मध्यरात्री चंदननगर परिसरातील वडगावशेरीत वाहनांची कोयता टोळीने तोडफोड केली आहे..