Dasara Melava Controversy : BKC वरील दुसरं मैदान खासगी कंपनीकडून बूक, शिवसेनेचा दसरा मेळावा कुठे?

दसरा मेळाव्यावरुन शिवसेना आणि शिंदे गटात जोरदार सामना सुरु आहे. शिवाजी पार्कवर कुणाचा दसरा मेळावा होणार यावरुन दोन्ही गटाकडून मोर्चेबांधणी सुरु आहे. असं असताना बीकेसी मैदानाची लढाई शिंदे गटाने जिंकलीय. दसरा मेळाव्यासाठी बीकेसीमधील एक मैदान शिंदे गटाने आरक्षित केलंय. तर बीकेसीतील कॅनरा बँकेजवळील दुसऱ्या मैदानासाठी ठाकरे गटाने केलेला अर्ज फेटाळण्यात आलाय. कारण हे मैदान कॉलिन्स इव्हेंट प्रायव्हेट लिमिटेड कंपनीकडून मैदान बुक करण्यात आलंय. या कंपनीच्या मागणीमुळे शिवसेनेचा पर्याय हुकल्याचं बोललं जातंय. या कंपनीचं शिंदे गटाशी काही कनेक्शन आहे का याच्याही चर्चा आता रंगू लागल्यात. दुसरीकडे शिवसेनेनं आता शिवाजी पार्क मैदानासाठी आरपारच्या लढाईचा पवित्रा घेतलाय.