Nashik Onion Protest : नाशिक जिल्ह्यात दोन दिवसांपासून कांदा लिलाव बंद, शेतकरी व्यापाऱ्यांचं नुकसान

 नाशिक जिल्ह्यातील कांदा लिलाव दोन दिवसांपासून ठप्प आहेत. यामुळे शेतकरी आणि व्यापारी दोघांनाही मोठं नुकसान सोसावं लागतंय. केंद्रीय राज्यमंत्री आणि दिंडोरीच्या खासदार डॉ. भारती पवार यांनी बोलावलेली बैठक सुरू झाली आहे. शेतकरी आणि व्यापाऱ्यांचे प्रतिनिधी, नाफेड आणि सरकारी अधिकारी या बैठकीला उपस्थित आहेत. नाशिक जिल्हाधिकारी कार्यालयात ही बैठक सुरू आहे. मंगळवारी देखील नाशिकच्या जिल्हाधिकाऱ्यांनी बैठक घेतली होती, मात्र त्यातून कुठलाही तोडगा निघाला नाही. त्यामुळे आजच्या बैठकीत तरी खरेदी बंदीची कोंडी फुटते का ते पाहावं लागेल.