Yogi Adityanath | योगी आदित्यनाथ आज बॉलिवूडसह उद्योग क्षेत्रातील दिग्गजांच्या भेटीगाठी घेणार

उत्तर प्रदेशचे मुख्यमंत्री योगी आदित्यनाथ मुंबई दौऱ्यावर आहेत. यावेळी ते बॉलिवूडच्या अभिनेते आणि निर्मात्यांशी तसेच महाराष्ट्र आणि मुंबईतील उद्योजकांशी चर्चा करणार आहेत. सीएम योगी यांचा देशाच्या आर्थिक राजधानी मुंबईचा हा दौरा अनेक अर्थांनी खास आहे. चार मोठे अजेंडे घेऊन मुख्यमंत्री मुंबईच्या या दोन दिवसांच्या दौऱ्यावर आले आहेत. काल अभिनेता अक्षयकुमारच्या भेटीने सुरु झालेला हा दौरा आज बॉलिवूडसह अनेक उद्योजकांच्या भेटीने संपणार आहे. उद्योग जगतातील टॉप 100 उद्योजकांशी मुख्यमंत्री योगी आज चर्चा करणार आहेत.