COVID Vaccination | मुंबईतील राजावाडी रुग्णालयात शिस्तबद्ध लसीकरण; नागरिकांसाठी हवेशीर ठिकाणी शेड

ज्येष्ठ नागरिक आणि दुर्धर आजारांनी ग्रस्त असलेल्या नागरिकांच्या लसीकरणाला सुरुवात करण्यात आली आहे. पण लसीकरण केंद्रावर होणारी गर्दी आणि त्यात कोविन अॅपमध्ये झालेल्या बिघाडामुळं अनेक ठिकाणी लसीकरण मोहिमेचा फज्जा उडताना दिसतो आहे. पूर्व उपनगरातील राजावाडी रुग्णालयात मात्र लसीकरण सुरळीत आणि शिस्तबद्ध पद्धतीनं होताना दिसतं आहे. या रुग्णालयात एका दिवसात सहाशे नागरिकांना लस देण्याचं लक्ष्य आहे. राजावाडी रुग्णालयानं त्यासाठी मुख्य इमारतीपासून वेगळी शेड उभारली आहे.इथल्या लसीकरण केंद्रात सामाजिक अंतर ठेवून बसण्याची व्यवस्था करण्यात आली आहे. या ठिकाणी हवेशीर व्यवस्था असून, तिथं पेंटिंग्स आणि मधुर संगीत लावण्यात आलं आहे.