CM Eknath Shinde :कपिल देव ते सूर्याचा कॅच, क्रिकेटप्रेमी मुख्यमंत्र्यांनी 'माझा'वर आठवणी सांगितल्या

मुंबई : मी 1983 सालचा तो कपिल देवचा (Kapil Dev) अफलातून कॅचही पाहिला आणि आताचा टर्निंग पॉईंट ठरलेला सूर्याचा (Suryakumar Yadav) कॅचही पाहिला अशा शब्दात राज्याचे मुख्यमंत्री एकनाथ शिंदे यांनी आपल्या भावना एबीपी माझाशी बोलताना व्यक्त केल्या. विश्वचषक जिंकल्यानंतर टीम इंडियाचे मुंबईत जोरदार स्वागत केलं जात आहे, टीम इंडियाचे आपण आभार मानतो असंही मुख्यमंत्री म्हणाले.

मुख्यमंत्री एकनाथ शिंदे एबीपी माझाशी बोलताना म्हणाले की, भारतीय क्रिकेट टीमचं अभिनंदन करतो. मुंबईत चाहत्यांची प्रचंड गर्दी उसळली आहे, चाहत्यांचा उत्साह दिसून येतोय. पण अशावेळी टीमची गैरसोय होऊ नये, चाहत्यांचीही गैरसोय होऊ नये याची काळजी घ्यावी. तसेच मरिन ड्राईव्हवर गर्दी करू नये. 

सूर्याचा तो कॅच टर्निंग पॉईंट

विश्वचषक स्पर्धेचा अंतिम सामना पाहिला असं सांगताना मुख्यमंत्री म्हणाले की, मी भारत-आफ्रिका सामना पाहिला. 1983 सालचा कपिल देवचा अफलातून कॅच पाहिला होता. आता सूर्यकुमार यादवने घेतलेला कॅचही पाहिला, तो टर्निंग पॉईंट ठरला. मी मुख्यमंत्री असताना मुंबईत हा कार्यक्रम होतोय ही अभिमानाची बाब आहे.