Yasomati Thakur on Navneet Rana | माझ्या पाठिंबामुळे गेल्यावेळी नवनीत राणा संसदेत गेल्या होत्या

Yasomati Thakur on Navneet Rana | माझ्या पाठिंबामुळे गेल्यावेळी नवनीत राणा संसदेत गेल्या होत्या

अमरावती मधून गेल्यावेळी विजयी झालेल्या आणि सर्वात जास्त चर्चेत राहिलेल्या नवनीत राणा या आपल्या मतावर गेल्यावेळी पार्लमेंट मध्ये गेल्या होत्या , यावेळी आमची मते काढून घेतल्यावर पडल्या अशा शब्दात माजी मंत्री यशोमती ठाकूर यांनी नवनीत राणा याना टोला लगावला . आज त्या पंढरपूर मध्ये आल्या असता Abp माझाशी बोलत होत्या . गेल्यावेळी आम्ही मते दिली ती यावेळी काढून घेत आमची ताकद दाखवल्याचे त्यांनी सांगितले . नवनीत राणा व यशोमती ठाकूर यांच्यातील वाद सर्वश्रुत आहे . गेल्यावेळी नवनीत राणा या राष्ट्रवादीच्या पाठिंब्यावर निवडून येऊन नंतर भाजप सोबत राहिल्या होत्या . यावेळी यशोमती ठाकूर यांनी आपली ताकद महाविकास आघाडी सोबत ठेवल्याने नवनीत राणा यांचा पराभव झाला होता .        येत्या विधानसभेला महाविकास आघाडी एकत्रित लढणार असून सत्ताही जिंकणार असल्याचा दावा त्यांनी केला . महायुतीकडून निवडणुकीच्या तोंडावर जाहीर केलेली लाडकी बहीण योजनेमध्ये सुरुवातीपासूनच महायुतीत वाद असून अर्थविभागानेही याला विरोध केल्याचे समजते आहे . राज्याची आर्थिक स्थिती पाहता हि योजना निवडणुकीनंतर गुंडाळली जाईल आणि हा फक्त चुनावी जुमला राहील असा टोलाही यशोमती ठाकूर यांनी सांगितले .