Nashik Wet Drought : ओला दुष्काळ जाहीर करण्याच्या मागणीसाठी शेतकरी आक्रमक

नाशिकमध्ये झालेल्या मुसळधार पावसामुळे शेतीचे मोठे नुकसान झाले आहे. यामुळे वणीमधील शेतकऱ्यांनी राज्यामध्ये ओला दुष्काळ जाहीर करण्याची आग्रही मागणी केली आहे. पावसामुळे द्राक्ष आणि भाजीपाला पिकांचे प्रचंड नुकसान झाले आहे. संतप्त शेतकऱ्यांनी सापुतराचा रस्ता रोखून आपला निषेध व्यक्त केला. द्राक्ष पिकांसाठी प्रति एकर दीड लाख रुपये आणि भाजीपाल्यासाठी प्रति एकर पन्नास हजार रुपयांची नुकसान भरपाई देण्याची मागणी शेतकऱ्यांकडून करण्यात येत आहे. बिरसा मुंडा चौकामध्ये शेतकऱ्यांनी कांदे, टोमॅटो आणि बटाटे रस्त्यावर फेकून रस्ता रोको आंदोलन केले. या आंदोलनामुळे वाहतूक विस्कळीत झाली. मुसळधार पावसामुळे झालेल्या नुकसानीमुळे शेतकरी हवालदिल झाले असून, त्यांना तातडीने सरकारी मदतीची अपेक्षा आहे. या परिस्थितीमुळे शेतकऱ्यांच्या उदरनिर्वाहाचा प्रश्न गंभीर बनला आहे.