Viral Video: कोल्हापुरात पुन्हा विद्यार्थी मारहाणीचा व्हिडिओ व्हायरल, वसतिगृहे विद्यार्थ्यांसाठी सुरक्षित आहेत का?

कोल्हापूरच्या पेठवडगाव परिसरातील एका शिक्षण संस्थेतील विद्यार्थ्यांच्या मारहाणीचा व्हिडिओ व्हायरल झाल्याने खळबळ उडाली आहे. या घटनेमुळे वसतिगृहांमधील विद्यार्थ्यांच्या सुरक्षेचा प्रश्न पुन्हा एकदा ऐरणीवर आला आहे. 'या व्हिडिओमुळे इथल्या वसतिगृहातले विद्यार्थी सुरक्षित नाहीत का?', असा सवाल उपस्थित होत आहे. हातकणंगले तालुक्यातील तळसंदे येथील अशाच एका घटनेनंतर पेठवडगावचा व्हिडिओ समोर आल्याने पालकांमध्ये भीतीचे वातावरण आहे. हा व्हिडिओ नेमका कधीचा आहे हे स्पष्ट नसले तरी, वसतिगृहांमध्ये रॅगिंग सुरु आहे की विद्यार्थ्यांच्या टोळ्या सक्रिय झाल्या आहेत, यावर चर्चा सुरू झाली आहे. शिक्षण क्षेत्रात गुंडगिरीची ही प्रवृत्ती वाढत असल्याबद्दल चिंता व्यक्त केली जात असून, या घटनांच्या मुळाशी जाऊन कडक कारवाई करण्याची मागणी होत आहे.