MP Dhairyasheel Mane यांच्या घरावर उद्या शिवसेनेचा मोर्चा; विरोध करू नका, मानेंचं समर्थकांना आवाहन

MP Dhairyasheel Mane : शिवसेनेतील बंडानंतर एकनाथ शिंदेंबरोबर गेलेल्या नेत्यांविरोधात शिवसैनिक आक्रमक होतायत. हातकणंगलेचे खासदार धैर्यशील माने यांच्या घरावर उद्या शिवसैनिक मोर्चा काढणार आहेत. या मोर्चाला विरोध करू नये असं आवाहन खासदार माने यांनी त्यांच्या समर्थकांना केलंय. अधिवेशनासाठी दिल्लीत असलेल्या धैर्यशील माने यांनी फेसबुक पोस्ट करून शिवसैनिकांच्या प्रश्नांची उत्तरं देण्याची तयारी दर्शवलीय. शिवसैनिकांचा आक्रोश मी समजू शकतो. त्यांच्या मोर्चाला कोणत्याही प्रकारचा विरोध होता कामा नये, असं आवाहन माने यांनी समर्थक आणि प्रशासनाला केलंय.