Caught on Cam: Vasai त ग्राहकाच्या बहाण्याने आले, 94 हजारांवर डल्ला; CCTV फुटेज समोर

वसईच्या (Vasai) आनंदनगर (Anand Nagar) परिसरातील सिद्धी स्टेशनरी दुकानात (Siddhi Stationery Shop) झालेल्या चोरीच्या घटनेने खळबळ उडाली आहे. दोन अज्ञात तरुणांनी केलेल्या या चोरीचा संपूर्ण प्रकार सीसीटीव्ही कॅमेऱ्यात (CCTV Camera) कैद झाला आहे. दुकानदार ग्राहकांना सामान देण्यात व्यस्त असताना, आरोपींपैकी एकाने ड्रॉवर उघडून त्यातील रोख रकमेची बॅग उचलली. या बॅगेत अंदाजे ९४ हजार रुपयांची रोकड होती. खरेदीच्या बहाण्याने दुकानात आलेल्या या तरुणांनी क्षणात चोरी करून पलायन केले. ही संपूर्ण घटना दुकानात लावलेल्या सीसीटीव्ही कॅमेऱ्यात कैद झाली असून, या फुटेजच्या आधारे पोलीस आता आरोपींचा शोध घेत आहेत. या घटनेमुळे परिसरातील व्यापाऱ्यांमध्ये चिंतेचे वातावरण निर्माण झाले आहे.