Bhushan Gavai Supreme Court : सरन्यायाधीश भूषण गवईंवर बूट फेकण्याचा प्रयत्न, वकीलाचा गोंधळ

सर्वोच्च न्यायालयामध्ये सुनावणी सुरू असताना एक धक्कादायक घटना घडली आहे. सरन्यायाधीश Bhushan Gavai यांच्यावर एका वकिलाकडून बूट फेकण्याचा प्रयत्न झाला. सुनावणीच्या दरम्यान हा वकील मंचाजवळ गेला आणि बूट काढण्याचा प्रयत्न करत असताना सुरक्षा कर्मचाऱ्यांनी त्याला वेळीच रोखले. सुरक्षा कर्मचाऱ्यांनी या वकिलाला कोर्टाबाहेर काढले. बाहेर काढताना तो वकील "सनातनचं अपमान सहन करणार नाही" अशा घोषणा देत होता. या घटनेनंतर सरन्यायाधीश Bhushan Gavai यांनी "अशा प्रकारांनी आम्ही विचलित होत नाही, तुम्ही तुमचा युक्तिवाद सुरू ठेवा" असे म्हटले. सर्वोच्च न्यायालयामध्ये घडलेली ही घटना गंभीर मानली जात आहे. सुरक्षा कर्मचाऱ्यांनी तत्परता दाखवल्याने पुढील अनर्थ टळला.