Pandharpur Suicide : बीड पाठोपाठ पंढरपुरातही एसटी कर्मचाऱ्याची राहत्या घरी आत्महत्या

पंढरपुरातील एका एसटी कर्मचाऱ्यानं आज सकाळी आत्महत्या केली आहे. आर्थिक विवंचनेला कंटाळून पंढरपूर आगारातील मेकॅनिक दशरथ गिड्डे यांनी राहत्या घरी आत्महत्या केली. याआधी परवाच बीडमधील तुकाराम सानप यांनीही राहत्या घरी आत्महत्या करुन आपला जीवन संपवला होता. तर २१ सप्टेंबरला संगमनेर शहरातील स्थानकात रिकाम्या बसमध्ये एसटी चालक सुभाष तेलोरे यांनी गळफास घेतला होता. मार्च २०२० ते ऑगस्ट २०२१ पर्यंत २३ एसटी कर्मचाऱ्यांच्या आत्महत्या झाल्या आहेत. कमी वेतन, वेतन वेळेवर न मिळणे, बँकेचे थकलेले हप्ते यासह अनेक समस्यांमुळे कोरोना काळात एसटी कर्मचाऱ्यांनी आत्महत्या केल्याच्या घटना समोर आल्या आहेत.