Maharashtra Politics: Mahayuti मधील अंतर्गत गटबाजीवर Sanjay Shirsat यांचे थेट वक्तव्य

राज्यात आगामी स्थानिक स्वराज्य संस्थांच्या निवडणुकीच्या पार्श्वभूमीवर महायुतीमधील (Mahayuti) अंतर्गत राजकारण तापले आहे. शिवसेनेचे (Shinde गट) नेते आणि मंत्री संजय शिरसाट (Sanjay Shirsat) यांनी केलेल्या वक्तव्यामुळे खळबळ उडाली आहे, तर मुख्यमंत्री देवेंद्र फडणवीस (CM Devendra Fadnavis) यांनी परिस्थिती नियंत्रणात आणण्याचा प्रयत्न केला आहे. ‘महायुतीमध्ये लढायची आहे परंतु काही लोक आम्हाला छळ कपट करायचा प्रयत्न करतात त्यांना सुद्धा आपल्याला रोखलं पाहिजे,’ असे म्हणत संजय शिरसाट यांनी आघाडीतील काही घटकांवर गंभीर आरोप केले आहेत. ज्यांना युती होऊ नये असे वाटते त्यांच्यापासून सावध राहावे लागेल आणि युतीत मिठाचा खडा टाकणाऱ्यांना जरब दिली पाहिजे, असेही ते म्हणाले. दुसरीकडे, मुख्यमंत्री देवेंद्र फडणवीस यांनी सांगितले की, शक्य असेल तिथे युती करण्याचा प्रयत्न करण्याच्या सूचना पदाधिकाऱ्यांना दिल्या आहेत. कुठे वेगळे लढलो तरी एकमेकांवर टोकाची टीका टाळण्याचे आवाहनही त्यांनी केले आहे.