Raosaheb Danve : ये दाजी का स्टाईल हैsssरावसाहेब दानवेंची मका पार्टी

Raosaheb Danve : ये दाजी का स्टाईल हैsssरावसाहेब दानवेंची मका पार्टी 

माजी केंद्रीय मंत्री रावसाहेब दानवे अनेक  वेळा राजकारणा व्यतिरिक्त आपल्या वेगवेगळ्या कृतीतून माध्यमांचे लक्ष वेधून घेत असतात,आज पावसाच्या उघडीपी नंतर शेतकऱ्यांनी आग्रह केल्यानंतर त्यांना मका भाजून खाण्याची इच्छा झाली,आणि  लगेचच दानवेंनी स्वतःहून मका भाजून आपल्या सहकाऱ्यांना खाऊ घातला आणि स्वतः देखील त्याचा आस्वाद घेतला,जालना जिल्ह्याच्या दौरा करताना त्यांनी  भोकरदन तालुक्यातील वरुड गावात शेतकरी आणि गावकऱ्यांशी आपल्या स्टाईल मध्ये गप्पा मारताना काहीशा थंड वातावरणात मका खाण्याचा आनंद घेतला. 

हेही वाचा : 

महाराष्ट्र शासनाच्या महत्वाकांक्षी मुख्यमंत्री युवा कार्य प्रशिक्षण योजनेच्या घोषणेपासून आजपर्यंत राज्यात 1 लाख 10 हजार प्रशिक्षणार्थींना प्रशिक्षणासाठी रुजू होण्याचे आदेश देण्यात आले आहेत. त्यापैकी ६० हजाराहून अधिक युवा राज्यातील खाजगी तसेच शासकीय संस्थांमध्ये प्रशिक्षणासाठी रुजू झाले आहेत , अशी माहिती कौशल्य, रोजगार, उद्योजकता व नाविन्यता मंत्री मंगल प्रभात लोढा यांनी आज दिली. विशेष म्हणजे आत्तापर्यंत 2 लाखांपेक्षा जास्त युवकांनी या योजनेसाठी नोंदणी केली असून 8 हजार 170 आस्थापनांमध्ये त्यांना काम करण्याची संधी मिळणार आहे. शासनाच्या निर्णयानुसार पहिल्या टप्प्यात जुलै आणि ऑगस्टमध्ये रुजू झालेल्या युवांना डीबीटीद्वारे विद्यावेतन 10 सप्टेंबरपर्यंत त्यांच्या आधारसंलग्न बँक खात्यावर मिळणार आहे, अशी माहितीही मंत्री लोढा यांनी दिली. त्यामुळे, लाडक्या भावांच्या खात्यातही लवकरच पैसे जमा होतील.