Pune Land Scam: मामेभाऊ Digvijay Patil यांच्यावर गुन्हा, ९९% भागीदार असलेले Parth Pawar वगळले?

पुण्यातील मुंढवा (Mundhwa) येथील वादग्रस्त जमीन खरेदी प्रकरणात उपमुख्यमंत्री अजित पवार यांचे पुत्र पार्थ पवार (Parth Pawar) यांचे व्यावसायिक भागीदार दिग्विजय पाटील (Digvijay Patil) यांच्यासह तिघांवर गुन्हा दाखल झाला आहे. 'जर एका व्यावसायिक भागीदारावर गुन्हा दाखल करण्यात आला आहे, तर दुसरा भागीदार असलेल्या पार्थ यांच्यावर गुन्हा का नाही?' असा प्रश्न या निमित्ताने उपस्थित झाला आहे. बावधन पोलीस स्टेशनमध्ये दाखल झालेल्या एफआयआरनुसार (FIR), दिग्विजय पाटील, पॉवर ऑफ अटर्नीधारक शीतल तेजवानी (Sheetal Tejwani) आणि निलंबित सह-निबंधक रवींद्र तारू (Ravindra Taru) यांनी संगनमत करून शासनाचे ५.८९ कोटी रुपयांचे मुद्रांक शुल्क बुडवले. ज्या कंपनीसाठी ही खरेदी झाली, त्यामध्ये पार्थ पवार यांची ९९ टक्के भागीदारी असताना त्यांच्यावर गुन्हा दाखल झालेला नाही, तर केवळ एक टक्का भागीदारी असलेल्या दिग्विजय पाटील यांच्यावर कारवाई झाल्याने आश्चर्य व्यक्त होत आहे.