Pune Land Deal: 'ती फाईल माझ्याकडे तीनदा आली, मी नकार दिला', बाळासाहेब Thorat यांचा गौप्यस्फोट

पुण्यातील (Pune) मुंडवा येथील एका वादग्रस्त जमिनीच्या व्यवहारावरून राजकारण तापले आहे. याच प्रकरणी माजी महसूलमंत्री आणि काँग्रेसचे ज्येष्ठ नेते बाळासाहेब थोरात (Balasaheb Thorat) यांनी एक मोठा गौप्यस्फोट केला आहे. 'संबंधित जागेची फाइल माझ्याकडे ही दोन-तीन वेळा आली होती, मात्र आपण त्यावेळी योग्य निर्णय देऊन नकार दिला होता,' असे बाळासाहेब थोरात यांनी म्हटले आहे. ही फाईल उच्च न्यायालयात (High Court) जाऊन आल्यानंतरही आपण ती नाकारली होती, असेही त्यांनी स्पष्ट केले. सरकारी जमिनी लाटण्याचा प्रयत्न अनेक मंडळी करत असतात, त्यामुळे महसूलमंत्री म्हणून आपण त्या जमिनीचे रखवालदार असतो आणि असे निर्णय काळजीपूर्वकच घ्यावे लागतात, असेही थोरात म्हणाले. हा भूखंड उपमुख्यमंत्री अजित पवार (Ajit Pawar) यांचे पुत्र पार्थ पवार (Parth Pawar) यांच्याशी संबंधित कंपनी विकत घेणार असल्याची बातमी समोर आल्याने हा वाद निर्माण झाला आहे.