Phaltan Doctor Suicide: सुसाईड नोटवर शंका घेणं चुकीचं,फलटण डॉक्टर प्रकरणी कोर्टात काय घडलं?

फलटण (Phaltan) येथील महिला डॉक्टर आत्महत्या (Doctor Suicide) प्रकरणाने संपूर्ण महाराष्ट्र हादरला आहे. या प्रकरणात मुख्य आरोपी निलंबित पोलीस उपनिरीक्षक (PSI) गोपाळ बदने (Gopal Badne) आणि खासदार रणजितसिंह नाईक-निंबाळकर (Ranjitsinh Naik-Nimbalkar) यांची नावे चर्चेत आहेत. मृत डॉक्टर महिलेने तिच्या हातावर लिहिलेल्या नोटमध्ये, 'पीएसआय गोपाळ बदने याने चार वेळा बलात्कार केला', असा गंभीर आरोप केला होता. यानंतर बदनेला अटक करण्यात आली असून त्याला ३० तारखेपर्यंत पोलीस कोठडी सुनावण्यात आली आहे. दुसरीकडे, बदने याने आपण प्रामाणिक असल्याचा दावा केला आहे, तर त्याच्या वकिलांनी न्यायालयात युक्तिवाद करताना त्याला बळीचा बकरा बनवण्यात येत असून सुसाईड नोटच्या सत्यतेवरही प्रश्नचिन्ह उपस्थित केले आहे. या प्रकरणात डिजिटल पुरावे गोळा करण्यासाठी पोलिसांनी सात दिवसांची कोठडी मागितली होती. खासदार रणजितसिंह नाईक-निंबाळकर यांच्यावरही पीडितेला त्रास दिल्याचा आरोप होत असल्याने या प्रकरणाला राजकीय वळण लागले आहे.