Nitish Kumar Chandrababu Naidu Back BJP : भाजपची धाकधूक संपली, नितीश - नायडूंकडून समर्थनपत्र?

Nitish Kumar Chandrababu Naidu Back BJP :

नवी दिल्ली : देशात नरेंद्र मोदी (Narendra Modi) यांच्या नेतृत्वाखाली तिसऱ्यांदा सरकार बनण्याची तयारी सुरू आहे. एनडीएच्या बैठकीमध्ये (NDA Meeting) संयुक्त जनता दलचे नितीश कुमार (Nitish Kumar) आणि तेलगु देसम पार्टीच्या चंद्राबाबू नायडू (Chandrababu Naidu) यांनी समर्थन पत्र दिलं आहे. त्यामुळे नरेंद्र मोदीच्या नेतृत्वाखाली एनडीए आता राष्ट्रपतींची भेट घेऊन सरकार स्थापनेचा दावा करणार असल्याची माहिती आहे.  

लोकसभा निवडणुकीत 2024 मध्ये एनडीए आघाडीला 292 जागा मिळाल्या आणि बहुमताचा आकडा पार केला. दुसरीकडे विरोधी पक्ष इंडिया आघाडील 234 जागा मिळाल्या आहेत. एनडीएमध्ये 240 जागांसह भाजप सर्वात मोठा पक्ष ठरला आहे. पण स्वबळावर सरकार स्थापन करता येईल इतकं संख्याबळ त्यांच्याकडे नाही. त्यामुळे एनडीएच्या नेतृत्वाखाली आता मोदींना सत्ता स्थापन करावी लागणार आहे.

दुसरीकडे काँग्रेस 99 जागांसह इंडिया आघाडीतील सर्वात मोठा पक्ष आहे. तर समाजवादी पक्षाला 37 तर टीएमसीला 29 जागा मिळाल्या आहेत.

लोकसभा निवडणुकीमध्ये एनडीएल 292 आणि इंडिया आघाडीला 234 जागा मिळाल्या. त्यानंतर नितीशकुमार आणि चंद्राबाबू नायडू यांच्या भूमिकेकडे सर्वांच्या नजरा लागल्या. पण या दोघांनी कोणतीही वेगळी भूमिका न घेता एनडीएला समर्थन दिल्याचं जाहीर केलं.