Voter List Scam: 'मतचोर दिसल्यास तिथेच फोडून काढा, बडवून पोलिसांना द्या', Raj Thackeray यांचे आवाहन

महाविकास आघाडी (Maha Vikas Aghadi) आणि मनसेने (MNS) मतदार यादीतील (Voter List) घोळाविरोधात दक्षिण मुंबईत 'सत्याचा मोर्चा' काढला. या मोर्चात उद्धव ठाकरे (Uddhav Thackeray), राज ठाकरे (Raj Thackeray) आणि शरद पवार (Sharad Pawar) यांच्यासह प्रमुख विरोधी नेते सहभागी झाले होते. मनसे अध्यक्ष राज ठाकरे यांनी कार्यकर्त्यांना आवाहन करताना म्हटले, 'दुबार-तिबारवाले मतदार आढळल्यास तिथेच फोडून काढा, बडव-बडव बडवायचे आणि मग पोलिसांच्या हातात द्यायचे'. या मोर्चाद्वारे, मतदार याद्या स्वच्छ होईपर्यंत राज्यात कोणत्याही निवडणुका घेऊ नयेत, अशी मागणी विरोधकांनी केली. उद्धव आणि राज ठाकरे हे दोन्ही भाऊ अनेक वर्षांनी पुन्हा एकदा राजकीय व्यासपीठावर एकत्र चालताना दिसले. फॅशन स्ट्रीटपासून मुंबई महापालिका मुख्यालयापर्यंत हा मोर्चा काढण्यात आला, ज्यामध्ये काँग्रेस, राष्ट्रवादी (शरद पवार गट), शेकाप आणि इतर पक्षांचे कार्यकर्ते मोठ्या संख्येने उपस्थित होते.