Workers Protest: 'चार महिन्यांपासून पगार नाही!', Nagpur मध्ये Morarji Mill कामगारांचा एल्गार

नागपूरमध्ये मोरारजी टेक्सटाइल मिलच्या (Morarji Textile Mill) कामगारांनी चार महिन्यांपासून पगार न मिळाल्याने सचिवालयावर मोर्चा काढला, ज्यामुळे पोलिसांशी झटापट झाली. परिस्थिती नियंत्रणात आणण्याविषयी विचारले असता, नागपूर ग्रामीणचे पोलीस अधीक्षक हर्ष पोद्दार म्हणाले, ‘अभी लॉ अँड ऑर्डर के बाद।’ या आंदोलनामुळे राष्ट्रीय महामार्गावर सुमारे १० किलोमीटरपर्यंत वाहतुकीची मोठी कोंडी झाली होती. आंदोलक आपल्या मागण्यांवर ठाम असल्याने आणि रस्ता मोकळा करण्यास तयार नसल्याने, पोलिसांनी अखेर बळाचा वापर करून त्यांना पांगवले. काही आंदोलकांना पोलिसांनी ताब्यात घेतले. दिवाळी तोंडावर असताना पगार न मिळाल्याने कामगार आक्रमक झाले होते. पोलिसांनी आंदोलकांना हुसकावून लावत वाहतूक सुरळीत करण्याचा प्रयत्न केला.