Pune Leopard Attack: शिरूरमध्ये नरभक्षक बिबट्या अखेर ठार, तिघांचा घेतला होता बळी

पुण्यातील शिरूर (Shirur) तालुक्यात नरभक्षक बिबट्याची (Man-eater Leopard) दहशत अखेर संपली आहे. वनविभागाने (Forest Department) पिंपरखेड गावात एका नरभक्षक बिबट्याला ठार केले, तर दुसऱ्या एका बिबट्याला जिवंत पकडण्यात यश मिळवले आहे. 'नरभक्षक बिबट्याला ठार करण्याचे आदेश होते', असे वनविभागाने कारवाईनंतर स्पष्ट केले. गेल्या २० दिवसांत या बिबट्याच्या हल्ल्यात दोन मुले आणि एका वृद्ध महिलेसह एकूण तिघांचा मृत्यू झाला होता, ज्यामुळे परिसरात संतापाचे आणि भीतीचे वातावरण होते. रात्री उशिरा ड्रोनच्या मदतीने शोध घेत असताना बिबट्या दिसला. त्याला डार्ट मारून बेशुद्ध करण्याचा प्रयत्न अयशस्वी ठरला आणि बिबट्याने उलट पथकावर हल्ला करण्याचा प्रयत्न केला. अखेरीस, शार्प शूटर्सनी तीन गोळ्या झाडून नरभक्षक बिबट्याला ठार केले.