Laxman Hake Full PC Jalna : रुग्णालयातून डिस्चार्ज, लक्ष्मण हाके मैदानात, कसा असणार दौरा?

Laxman Hake Full PC Jalna : रुग्णालयातून डिस्चार्ज,  लक्ष्मण हाके मैदानात, कसा असणार दौरा?

Laxman Hake बुलढाणा : मराठा समाजाला ओबीसीतून आरक्षण (OBC Reservation) नको या मागणीसाठी ओबीसी नेते लक्ष्मण हाके (Laxman Hake) आणि त्यांचे सहकारी नवनाथ वाघमारे (Navnath Waghmare) हे जालन्यातील (Jalana) वडीगोद्री येथे उपोषणाला बसले होते. नुकतेच त्यांनी आपले उपोषणाचे हत्यार म्यान करत आंदोलन तात्पुरता थांबवले आहे. उपोषणानंतर त्यांची प्रकृती काहीशी खालावली असल्याने त्यांना दवाखान्यात उपचारासाठी दाखल करण्यात आले होते. तर आता मात्र प्राध्यापक लक्ष्मण हाके आणि त्यांचे सहकारी नवनाथ वाघमारे यांना नुकतेच दवाखान्यातून डिस्चार्ज मिळाला आहे. त्यानंतर आजपासून ते आपल्या अभिवादन दौऱ्याला सुरुवात करणार आहेत. 

सुरुवातीला ते बुलढाणा (Buldhana News) जिल्ह्यातील माँसाहेब जिजाऊचे जन्मस्थळ असलेल्या सिंदखेड राजा येथील राजे लहुजी जाधव यांच्या राजवाड्यात जाऊन जिजाऊंना अभिवादन करतील. याच ठिकाणावरून त्यांचा अभिवादन दौरा सुरू होणार आहे. त्यानंतर ते वाशिम जिल्ह्यातील पोहरादेवी कडे प्रयाण करणार आहेत. या अभिवादन दौऱ्यानिमित्त राज्यातील विविध श्रद्धास्थानांना ते भेट देऊन अखेर अहमदनगर जिल्ह्यातील चौंडी येथे त्यांच्या अभिवादन दौऱ्याची सांगता होईल. यानिमित्ताने सिंदखेड राजा येथे आज मोठ्या प्रमाणात ओबीसींच शक्ती प्रदर्शनही होणार आहे.